أصفق لك بحرارة اختى جورى
الموضوع جديد وحساس ومهم
وطريقة العرض ظريفة جدا وجذابة
بارفو عليكى
ضعى الرابط الخاص بيه فى موضوع اختنا شموخ حتى يدخل فى التصويت والمنافسة ومتوقعة له الفوز ان شاء الله
وانا عن نفسى حاولت اسيطر على خجلى أصلى ما اقولك
انا كنت قبل تعيينى بالجامعة اقول لنفسى مش عارفة ازاى هاقف امام الطلبة بالعدد الكبير واشرح لهم حاجة وانا لا استطيع النظر لهم وانا اشرح انظر فى الفضاء الواسع فى حدود القاعة
وحتى لما كنت امتحن شفوى كنت ما انظر للدكتور كان اكثر شئ انظر اليه هو الاحذية لأننى على طول ناظرة للأرض :)
حتى الطلبة فى اول مرة شرحت فيها لاقيتهم باصين لى ومبتسمين قوى عارفين انها اول مرة ووجهى كان أحمممممممر
لددرجة لما خلصت صديقتى من نفس دفعتى قالت لى ما وشك احمر كده ليه قلتلها وحاسة انى باطلع حرارة كمان من الخضة حتى العيال حسوا :)
بس الآن احمد لله باقف واشخط فيهم واشرح واحيانا امزح لفك الجو شوية والحمد لله الطلبة يحبوننى وقالوا لى ذلك اكثر من مرة فى اكثر من مكان وذلك من فضل الله
رغيت كتير بس بجد موضوعك رااائع وهاحفظه عندى