[ورد الريـاض]

السلام عليكم ورحمة الله وبركاته

ومشكورة على توضيح كلمة محجوز !!!!! لأن قمر الرياض تملك قلم رااائع وخفت من كلمة محجوز قلت لا يكون بس سجن؟؟ مشكورة مررررة ثانية يا غالية0

اضحك الله سنك ليش عندنا سجن هنا في المنتدى؟


في البدايه اشكرك على الموضوع واحب ابين لك موقفي من المذيع

اعتراضي يا اخوي محمد على اسلوب المذيع ماعجبني ابدا انا ما اتكلم لك عن كل اسئلته لا
لكن لما يسأل الدكتور عن الاشتراكات في المنتدى ويبين له الدكتور ان الهدف ليس تجاري
بدليل فتح المنتدى لغير المشتركين مجانا لاكثر من مره في الاسبوع
فيرمي على الدكتور فهد ايه تفتحونه علشان تجذبون اكبر عدد ثم تخلونهم يدفعون ومايعطي الدكتور فرصه يرد عليه وينتقل مباشره لسؤال رسمي ( وش تسمي هالاسلوب )؟؟ وبالعاميه (تنطيلات واتهامات)

يعني البرنامج يشوفه ملايين مو نقاش بينه وبين الدكتور كان من المفروض تقتصر الحلقه على الاسئله والاجابات بدون تعليقات سلبيه تبين شي ما في نفس المذيع والا شرايك؟

ولما يقول للدكتور ان قناة ال ام بي سي ما استمريت معاها الا لانك وقعت عقد بس
كان وده ينفي التميز والابداع واثبات الذات عن الدكتور؟؟
يعني ايش دخل الاسئله هذي في علم تعبير الرؤى وايش الهدف منها اعتقد الهدف واضح جدا

بعدين فيه اتصال قال ان تعبير الرؤى فضيحه اعوذبالله واستغفر الله علم جليل علمه الله لانبيائه يعتبر فضيحه!!
مثل هذا ما وجهه للدكتور اي سؤال فليش يستقبل اتصاله؟؟؟


اما من ناحيه اسماريكا
انا طبعا ما اعرفه ولا اذكره والدكتور بين سبب استبعاده
بعدين هو جاي للمنتدى بصفه هجوميه يخطيء فلان وعلان والا ايش؟
اذا كان يبي يكون معبر ليش مادخل في تمارين الدكتور واثبت جدارته واعتمد كمعبر رسمي في المنتدى
لو اخطى نادر اوغير نادر فنادر بشر وماهو معصوم من الخطاء والتعبير دائما يخطي ويصيب وبالظن
فكان الاولى باسمريكا يكون على علم بالشيء هذا
الا اذا كان اسماريكا موبشرومعصوم؟
ومن ناحيه نظرة اسمريكا للدكتور وانه يمدح فيه هذا شيء طيب من اسماريكا ويشكر عليه

واحب ابين نقطه تطرق لها اسماريكا
اللي هي التمارين قال ان المعبرين لما يشاركون في التعبير في النهايه يكون خطاء عليهم التعبير
فحكم عليهم اسمريكا انهم ليسوا معبرين
راح ابين شي واضرب مثال
في احد التمارين
شارك فيه معبرين وكان الاغلبيه على ان التعبير مال يجنيه من ذهابه للحج وكانت الاجابه ان الرائي بيشتري سياره
طيب هل شراء السياره يمنع من الحج اقصد هنا ممكن ان الرائي يتحقق في تعبير حلمه تعبير الدكتور فهد وايضا تعبير المعبرين بمعنى اشترى سياره وباعها ولما جاء وقت الحج راح واشرف على الحج هناك خصوصا انه عسكري ووارد جدا ذهابه
فمن باب اولى لاسماريكا يفتّح عقله شوي على الامور هذي ومايتهم المعبرين بعدم المعرفه خصوصا ان فيه مشاركات كثيره تبين تميزهم وبراعتهم.

اما بالنسبه لبقية الاسئله في البرنامج ما نعترض عليها بالعكس كيف يتعلم الجاهل اذا ماسأل وناقش
لكن طلبنا نبي اسئله مرتبه بدون تعليقات سلبيه او اتهامات نبي مذيع يمتلك كفائه عاليه في الحوار والنقاش
مو بس شوفوني وش قلت له وامدحوني يالجهال.

دكتور فهد اللي مايعرفك ومايعرف قدر العلم اللي معاك مايثمنك .




اخوي الرويلي الف شكر لك
والمعذره على الإطاله لكن قد يكون فيها إفاده
دمت بخير اخي