حبيبتي بقولج شي واتمنى انج تسمعيني
انا احس باللي تقولينه وترى ماهو انتي لحالج اللي تعاني من هالمشكله انا والله تمر علي شهور ماشوف الشارع وماعندي لابنات خاله ولا بنات عمه او خال
يعني ماعندي بنات في عايلتنا لانه عايلتنا كله اولاد وقليل البنات تخيلي حتى اذا شافوني اقرباء امي يقولون تونا ندري انه فلانه عندها بنت كانه مالي وجود وسالفة ابوج يقسو عليج احتسبي الصبر فهذا ابوج ولا عقيتيه باجر بعد عمر طويل راح يروح وش راح تستفيدين لا راح وهو غضبان عليج واخوج ماعليج منه خليه باجر يحس بغلطته وعلى قولة المثل نام مظلوم ولا تنام ظالم
وانا ادري انج راح تقولين اللي يتكلم غير اللي عايش الوضع وهذا الشي صحيح
انا بقولج شغله ثانيه انا عمري 23 ولحد الحين ماتزوجت ورب الكعبه انه خالي يقول لي يالعانس تخيلي حتى جدتي ماتحبني ما جني بنت بنتها تعامل اخواني غير وانا غير
ترى مو بس انتي حبيبتي اللي تعانين في غيرج حالتهم اردى من حالج
وتدرين نصيحه مني اسمعي سورة يوسف وتدبري في معاني السورة واستشفي منها كيف الله سبحانه وتعالى غير حال النبي يوسف عليه السلام من منبوذ من اخوته الى عزيز مصر هذا غير انه انسجن ظلما سبع سنوات وشوفي بعدين كيف امسى حاله
وماتدرين ربج وش كاتب لج بعدين تفائلي ولاتجعلي الشيطان يخليج يأسه من رحمة ربج
وقولي الحمدالله على كل حال
وعسى ربي يفرجها ويفتحها عليج عاجلا غير اجل
وصبر جميل والله المستعان