مصيبه لاتدنت قيمتـك فـي عيـن مـن قيمـت
يشوفك بالسهل وانته تشوفـه بالسمـا السامـي
كثر ماحن قلبي للونيـس وكثـر مـا درهمـت
فجر صدري حنيني واتعـب الاقـدام درهامـي
عيون الصد وعيون التجافي حول مهما اكرمـت
تشـوف المجتهـد كسـلان والبنـاي هـدامـي
مدام ان جانبك شام لجنابي وانت عنـي شمـت
كثر خيـرك .. وانـا مانيـب لاجايـع ولاضامـي
اشوف انـه علـي واجـب ليا مريتكـم سلمـت
مرور اكرام .. تربطه الكرامـه عنـد الاكرامـي
على شان الخفوق اللي على عرشه قعدت وقمت
حجب عنك الدجى لين اشرقت لك بيض الايامي
ختام السالفه ياطيـب العشـره كرمـت ودمـت
هذا حقك علي وحق شرهاتـي علـى اوهامـي
مصير الوقت يشرح لك دروسه وان غفلت ونمت
يصحيك الزمان اللي يصحـي كـل مـن نامـي