~ .. تحرّيته .. وهـوّ الجاير اللي مَايعِرفْ الجُورَ ..}
مسَآءكُم, صبَآحكُم
رضَى من ربْ آلعَآلمينْ...~
,
,
إذا ماسالـت عـروق الدفاتـر مـانـي بـمعـذور
............... تبي تشره عليّ كـل الحـروف .. ويالله الخيـره
وأنا شاعر .. وحبري دمعتيـن ودمّـي الـمهـدور
............... مـع أن الرجـل ماهـو أي موقـف عابـر يثيـره
سريت بـخافقي .. والوقت عتمـه .. والنوايـا نـور
............... وأنا من وين ماسـجّ القـدم .. تستاحـش الديـره
تذكرت الغرام اللي مضـى .. والموعـد الـمهجـور
............... وباقي من مواويـل الليـال .. وضحكـة منيـره !!
رحلت أسأل عن اللي له بنيت من الغـرام قصـور !
............... ولاجانـي سـوا صـدّه , و تعذيبـه , و تـقصيره
قطفت لـ حضرته كل الشعـور , وباقتيـن زهـور
............... وذبلت باقتينـي .. والشعـور , وذي مشاويـره
سهر وهموم .. وأبياتٍ لها بيـن السطـور صـدور
............... حزينه .. والحزن شيٍ تمـادى صعـب تفسيـره !!
كريمـه يامعاذيـره مثـل ماهـو بـخـيـل حـضـور
............... بـخـيله يامواعيده .. وش أكـرم مـن معاذيـره .!
تحرّيته .. وهـوّ الجايـر اللـي مايعـرف الجـور
............... ولكـن ينكشـف قبـل الطعـون وقبـل تبريـره
دخيلك فكّ أزارير الصباح .. وطيّـر العصفـور
............... تعب ينقش على غصن الضياع .. وفضّها سِيـره
دخيلك مابقـى للذاكـره غصـن وشجـر وطيـور
............... ذبل ورد الطريق .. وماعكس نبـض الغـلا سيـره
أحس بـ داخلي طفلٍ تمـرّد مـن ثـلاث شهـور
............... يعاندنـي .. ولكنّـي رضيـت بـ شـرّه وخيـره
أحسّه طيّر أسراب الحمـام .. وخاطـري مكسـور
............... على جـدار الألـم يرسـم بقايـا دمعـة طويـره
يقوم الصبح .. وأتنفس بقايا مـن سهـرك عطـور
............... وأصبّـح قلبـك الطيّـب .. وتتضايـق عصافيـره
وأناديلـك ولا كنّـي أنـادي .. والأمانـي بــور
............... وينبت وجهـك بـ عينـي .. ولاتذبـل نواويـره
تعال .. وردّلي بعضي إذا عنـدك عـدل وشعـور !
............... حرام أتعب ولا فـ قلبـك أبـد رحمـه ولا غِيـره
حرام أبقـى كـذا مالـي معـك دنيـا ولا دستـور
............... وأنا قلبي ومن مدّه يقـول أرجـوك شـف غيـره !
تعب مثلي .. وصدره ضاق .. وإنت اللاهي الـمسرور
............... كذا يعني معاك نعيش هـم , وحسـره , وحيـره ؟!
تذكّرنـي وأبـي تذكـر بعـد إن الزمـان يـدور
............... وأنا بصبر .. عسى في تالية صبـري معـك خيـره
أبسكت مثـل مايسكـت جريـح بـهالزمـن مقهـور
............... بعد خانـوه خلانـه .. وخـاب اليـوم تـقديـره
مدام أن الحكي فضّه .. وصمتـك صاحـبٍ مغـرور
................ مـدام الشعـر للشاعـر غـدا رغبـه .. وتـقزيـره
,
,
منقول
لَـ جميع‘ مَنّ مَر هُنَآ
التعديل الأخير تم بواسطة Ŝђǿǿq Ťąbσύĸ ; 2011-07-23 الساعة 11:31 AM.
|