......
الله يعينك أختي ........ والله حالة زوجك صعبه لأنه يفتقد أهم مقومات الرجولة .
1/ الإنفاق .
2/ عدم الأمان باعتبار انه محشش ......،
3/ عدم الثقة بالنفس ...
.......... وانتي من جهتك زدتي الوضع سوء لما توظفتي بعيد ........ انا ماأدري هو أدمن الحشيش قبل أو بعد الزواج ...... لأنه ممكن لجأ للحشيش لبعدك عنه والفراغ اللي عايش فيه ...
الشي الثاني أنا ماأدري هو متوظف أو لا ..... إذ متوظف لاتمدّين له ريال والزميه بالصرف على بناته وعليك ..، إذا مو متوظّف حاولي ينتقل عندك لمكان وظيفتك <إذ طبعا ماتقدرين تنقلين>. من جهه يكون قريب لك ومن جهه ثانيه يبعد عن رفاق السوء اللي دلّوه ...< لكن ماأدري قربه للبنات بيشكل عليهم خطورة كونه محشش أو لا ... > ...... وبكذا بتتقرّبون لبعض وتكسرون حاجز الصمت .......
لكن لازم تصبرين .... الصبر ثم الصبر ثم الصبر .. لأنه مشوار طويل وكثري استغفار ........ وأبدا لاتغفلين عن دعوات الثلث الأخير ياما دعوات أحيت موتى القلوب وأذلّت ناس ظلمت وتكبرت ....،
شي ثاني باين على زوجك محتاج دعم معنوي كبير وواضح محتاج الإحتواء من شخص هو بالأخير ينتمي له .... لأنه خجول ويلتزم الصمت مع كل الناس لأنه غير واثق ...... محتاج منك تدعمينه وبقوّة ....اقرأي كثير عن تعزيز الثقة .. وكل شي يسويه حاولي انك تمدحينه فيه ... < بصراحة أحس انه يحتاج من يشفق عليه أكثر من أحد يذمّه ويعاقبه> ... لأنه مثل ماتقولين يكون حبيب وودّي إذا كان بعيد عن المسؤوليّة ...>
حاولي اختي انك ماتحملين ع الأقل سنتين لأن البنت صغيرة ... تقولين شهر ...... إذا والله ماتعدّل دخلي ناس واعية من العائلتين لحل المشكلة ...... ولا تقدمين على أي خطوة إلا بعد ما تستخيرين وتستشيرين ........
وياما انقذ الله عباد من مصائب بسبب الإستخارة ..
وبالأخير حنّا مشوراتنا قاصرة لعدم احاطتنا بظروفكم ونفسياتكم كلكم . لأنه أكيد فيه جوانب كثيرة ماذكرتيها .....
ربي يعينكم ويوفقكم ويصلح مابينكم ..........