[اقحوان]

نوااااااااااااره حبيبتي .. كل انسان يكون مقبل على حياة جديدة تجيبه افكار وتوديه افكار و ما يتخلص منها الا لما يوصل ويحط رجله بهالحياة الجديده .. بعد ما يهد حيله من التفكير ويمكن ما يحسن بقيمة حياته ولا يعطيها حقها من الاهتمام .. وبعدها يلوم نفسه لأنه ضيع وقته وضايق نفسه وأهله واللي حواليه من كثر الوسواس
كلنا نشوف ونسمع عن تجارب غيرنا واللي اكبر منا وكل شخص وله طريقته باستقبال هالآراء والتجارب ... مثلا انا اخاف منها وانتي ما تهتمين فيها وغيرنا ياخذ منها اللي ينفعه وغيرنا وغيرنا وغيرنا ... لكن بالنهايه مايثبت في بالك الا تجاربك انتي بعد ما تاخذين اللي ينفعك من تجارب غيرك
كلنا خوفونا وهوّلوا عن الحمل و عوار الولادة اللي ما ينتحمل .. والحمد لله مرينا فيها وتعديناها ولمت نفسي لاني فتحت أذاني على وسعهم للي هوّلت وخوفتنا
حبيبتي نواره ترى كثر التفكير والخوف والوسواس يسبب العقم واسألي عن الكثيرين اللي ما كانوا يعانون من اي عله او مرض بعد الفحوصات والتحاليل وكل اللي كانوا يعانون منه هو تعبهم النفسي ومشاكلهم في بيوتهم ومع خلق الله
استهدي بالله وكثري من الاستغفار واطلبي من ربي يسخر لك زوجك ويرزقك الذريه الصالحه
وعسى الله يطمن قلبك ويسعدك