[راجيه الفرج]

هذه القصيده في فقيد الكويت صاحب السمو الشيخ جابر الاحمد الصباح

ويقول// الشاعر

يوم الاحد جتنـا علـومٍ شايكـه###### هزت مشاعرنـا وبيـح غليلهـا

راح الفقيـد وكلـنـا فاقديـنـه###### ولا وقفت الآجال يدنـي رحيلهـا

الله مـن عيـنٍ تزايـد عبارهـا ###### وانا اشهد انها لا بكـت ينبكيلهـا

تنثر دموعـا بالوصايـف كنهـا ###### صباب نصـبٍ ناثـره مخيلهـا

تهـل دمـعٍ محفـيٍ اخـدودهـا###### دمـعٍ يـدوش وزايـدٍ عويلـهـا

تبكي على عز الكويت وفخرهـا ###### عنها الحمـول الكايـده يشيلهـا

ولحدٍ يلوم العيـن لاهـل دمعها ###### تبكي على نفـسٍ كثيـرٍ جميلهـا

الحاكم اللـي مايوصـف مثيلـه ###### ابو الضعوف اللي قليـلٍ حيلهـا

العين تسهـر ماتهنـت بالكري###### تبكي وتسهـر ماتغمـض ليلهـا

ويبكيه شعبـه والعروبـه كلهـم###### وتبكي على نجم النجوم اسهيلهـا

فضله على الجهال والرمل والعمى ###### مدت يمينـه لا عطـت جزيلهـا

مرحوم ياللي ماشكا منـه شعبـه###### عليه دمع العيـن ينثـر هميلهـا

مرحوم ياللـي ماتعـدد فضايلـه###### مشـا رواتبهـا وعالـج عليلهـا

مافات مات ومـن عليهـا فانـي###### من عصر نوحٍ ماشين ترحيلهـا

الله يعوضـه بالجنـان المثمـره###### نفـسٍ عسـا منزالهـا يسويلهـا

لاعل من فضله يخـف احسابـها###### تخـف سياتـه ويمحـي كيلهـا

الله يعوض اشيوخنا في شيخهـم###### بالعز والصبر الجميـل ايجيلهـا

على البقى في اخوان مريم بعـده###### بشيوخنـا اللـي كلنـا نلجيلـهـا

شيوخ الكويت ابوانهم واجدادهـم###### حكـام يامـا خلصـت تشكيلهـا

تدرى مهابتهـم ويـدرى مدهـم ###### حكـام ماتنحـال اللـي يحيلهـا

سعد ابو فهد عوضنـا وفخرنـا ###### عنـا كثيـرات الهمـوم يزيلهـا

سعد سعـد شعبـه وضـدٍ للعـدا###### سـوٍ علـى العـدوان ماياويلهـا

الله يسدد فـي خطاهـم جميعهـم ###### وحنـا بكـل اوقاتنـا ندعيلـهـا

وصباح زيزوم البـلاد وعزهـا ###### هو سترها مـا ينكشـف شليلهـا

صباح صبحٍ بان يوضـي نـوره###### نوره على كـل البلـد يضويلهـا

صبـاح قايدنـا وحنـا جنـوده###### حدر التصرف لا بغـا يوميلهـا

حنـا جـنـوده لا بـدالـه لازم###### فـي لازمـه ناتيـه بتعجيلـهـا

الابـو واحـد والرعيـه وحـده###### واللي عليه امسٍ عليهـا طويلهـا

الله يظلل به على الشعـب والبلـد###### يـدوم عـزه للبـلاد وجيلـهـا

اللي علينـا لـه نقـوم بواجبـه ###### واللي عليـه انـه يعـدل ميلهـا

هذا وبيحـو مـن فقيـدٍ راحـل ###### الله يبيحـه عـد رمـل اسهيلهـا

هذا وصلينا جمعـا علـى النبـي###### على النبي ماهـل مـن مخيلهـا

للشاعر/ الوالــــــــد في رثاء الغالي