شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره ...
اللي يخاف من الظما يترك لنا طرد السراب
واللي ماهو بقد الظلام ووحشته لايسهره ....
عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره
انا تجرعت الظما لين أحترق وجهي وذاب
انا كسرت بخاطري قبل الصداقه تكسره
انا خسرت اللي غيابه غير عن كل الغياب
انا غفرت لعالمٍ ماتستحق المغفره
انا أكثر (أنسان) تعلم من كثر ماأخطأ وصاب
انا أخر (لسان) يتكلم في زمان الثرثره
انا القصيد اللي فزع من دفتره مليون ناب
وانا الوحيد اللي جمع مليون ناب بدفتره
القصيده عذااااااااااااااااااب لأبعد مدى
الله يعطيك العافيه