[القلب الكبير]

مرحبا اختي موون :)

منو قال ما انعبرج بالعكس مواضيعج جميلة وخفيفة على القلب ...

امممممممم

بالنسبة للأنماط الشخصية السمعية والبصرية والحسية اتوقع كل شخص عنده من هالانماط لكن يغلب عليه نمط معين او على حسب الظروف !

مثلا اذا سرتي معرض لفنان تشكيلي ... فانتي بتغلبين اي نمط ؟؟ اكيد البصري مع شوي نمط حسي لانج تتذوقين احساس الفنان وهي يدمج الألوان ... ممكن يكون نمطج حسي أحيانا فتقولي أحس ان هاللوحة حزينة او مفرحة و هكذا ...

نستخدم معرفة الانماط الشخصية في التعامل مع الناس فمثلا اذا كان اللي امامك سمعي فحاول انك اتغرقه بالكلمات اللي يحبها عشان توصل لاقناعه او تدير الحوار معاه بشكل ايجابي

اذا كان الشخص بصري مثلا فاهتمي بالديكور والألوان وذوقج في اللبس لانه يلتفت للأشياء اللي اتطيح عليها عينه

واذا كان بصري حاولي اتشاركينه وجدانيا وكثري من كلمة احس فيك هيه لو كنت مكانك كنت بسوي نفس الشي وممكن تحاورين هالناس بصمت بلغة القلوب بس يبالها صدق عاد :)

اذكر موقف طريف لزوج يغرق زوجته بالهدايا ... فقالت له كلمة حلوة منك تكفيني ! نمط هالزوجة حسي فلو ركز الزوج على الكلام الحلو كان وفر على عمره بيزاته :)
ورجل ثاني يغرق مرته بالكلام الحلوو لكن تصفعه بجملتها ! انته بس كلام ما انشوف منك شي !! نمط هالمرأة بصري يعني املى عينها بالأفعال مب الكلام ! وقد يكون العكس

بالنسبة لسؤالج ..الغالب على شخصيتي وجود الانماط الثلاثة فيها يعني انا حسية بصرية سمعية بتوازن لكن مع المواقف ممكن اغلب جانب معين :)

مشكورة وايد مرة ثانية على موضوعج ال CoOl ونتريا يديدج

اختج القلب الكبير