السلام عليكم
الله يعينك يالقلب الكبير ويفرج همك
وانا لي عتب عليك ليش تركتيها 40 دقيقه تذكرك وتحاسبك على اخطائك ترى كل شي له حدود
ومو معنى انها مديره او وكيله تستغل مركزها انها تهين الناس خير ان شاء الله المفروض ماسمحتي لها بالتمادي معقوله 40 دقيقه تحاسبك !! الله يعين زوجها عليها
شوفي ياعيوني الخطاء وارد وخصوصا في هالدرجات اللي تدوخ الله يعينك ولايضيق صدرك ياعمري ماتستاهل تضيقين صدرك عشانها تلاقينها الحين مبسوطه ولاجابت خبر طنشيها حسبي الله عليها
بعدين ابي اعرف ليش ناقشتك انتي بالذات خير والمعلمات اللي راجعوا بعدك ماقالت لهم شيء ؟؟؟؟
هذي يبيلها اعتراض
وتبين نصيحتي ترى فيه ناس من تشوف الطيب تتقيوى عليه فانتبهي بتتعبين كثير وخصوصا في مجال العمل قوي شخصيتك اكثر واكثر ودافعي عن حقك ولاتسكتين
بصراحه اشوف منها وقاحه انها تقول منتي اهل للتدريس علشانك غلطتي بدرجه !! التعليم رساله نبلغها.... التعليم تنشئه للاجيال ............. ومو انك غلطتي بدرجه تحطك منتي اهل للرساله هذي اعوذبالله والله الظاهر هي اللي مو اهل للتوجيه والاداره
والله يالقلب الكبير فيه اصناف من الحريم تشوفين فيها عجايب خلق الله سبحان الله هالنوعيه ماينفع معاها الطيب ولا القلب الكبير هذي يبيلها تعامل من نفس نوعية تعاملها
وتذكري في مجال عملك ( ان لم تكن ذئباً اكلتك الذئاب)
وفي النهايه احتسبي الاجر عند الله وتمسكي بوظيفتك ولاتهزك كلمه من انسانه معقده ماتحسب حساب لمشاعر الاخرين حطي اذن من طين واذن من عجين مادمتي واثقه في نفسك وادي عملك على اكمل وجه وبمايرضي الله تعاملي مع البنات كــ أم ومعلمه ناصحه وامشي عدل يحتار عدوك فيك ولاتهمك المديره مادام ماشيه صح واذا ظلمتك بالتقرير ظلمها بيرجع لها ظلام في حياتها واخرتها احتسبي الاجر عند الله
ومايمنع انك تدعين الله انه يسخرها لك مثل ماسخر البحر لموسى ويلينها لك مثل ماليّن الحديد لداود
ترى هالدعاء له مفعول عجييييييييييييييب
واحب اذكرك بحديث الرسول صلى الله عليه وسلم " اذا مات ابن أدم انقطع عمله الا من ثلاث صدقه جاريه اوعلم ينتفع به او ولد صالح يدعوا له"
استغلي وظيفتك بالعمل لآخرتك وصّلي للبنات العلم النافع واستغلي حصص الفراغ في النصح والموعظه واللقاء الكلمات المعبره والمؤثره في الدين وخصوصا في الصلاة والتمسك بالحجاب ومن هالقبيل حطي قدام عيونك مسؤلية تربيه هالاجيال بمايرضي الله صدقيني التعليم طريق موصل للجنه فلاتفرطين فيه ابدا
والمديره مادمتي ماشيه صح خليها على جنب ولاتضيقين صدرك عشان كلمه قالتها استصغري عقليتها ولاتشرهين عليها وقولي الحمدلله رب العالمين.