ريشة !!!!!!!!!!!
أنا فى الدنيا آدى ريشة طايرة
يمين وشمال فى الهوا حايرة
ساعات الهوى بيا بيهدى
ويتحقق حلمى اللى على قدّى
وساعات بتهب على أعاصير
وألاقى أحلامى فى الهوا بتطير
وساعات الهوا على شط بحر يرسينى
ومع أحلامى الوردى يخلينى
واستحالة تحقيقها هو يقينى
وساعات ياخدنى معاه لدياجير (دياجير =ظلمات)
وعشان حلمى يوصل للنور
ألاقينى محتاج من الخطى مشاوير
ومهما أجرى فى الدنيا وأسير
ومهما أكون لأحلامى أسير
غير اللى رايده ربى مايصير