والله غريبه كل هالجو الحلو اللي معيشتهم فيه ويسون كذا !!
طيب روح السعوديه نجي لمدخل ثاني ليش ماتجربين معاهم اسلوب المكافأه والحرمان
اللي بينظبط عطيه مكافأه حلوه يعني مثل تشوكلت او لعبه صغيره وتشجيع بكلام حلو ومدح حاجات زي كذا لحد مايتعودون على الانظباط
وجاء في بالي شيء ثاني يمكن يسون كذا لانهم جاي في بالهم ان هذا سبب عنايتك واهتمامك فيهم
فانا اشوف انك تحاولين ماتبينين لهم هالاهتمام والدلع خليه من بعيد من وراهم وقدامهم حسسيهم انك متجاهلتهم
واذا كنتي انتي اللي تغيرين لهم او تشرفين عليهم انثاء وضعهم هذا غيري خلي احد يحل محلك مثل خادمه لو عندك او اختهم الكبيره وامشي فتره على الطريقه هذي وان شاء الله بيتحسنون
وعلى فكره المسأله محتاجه صبر انا متأكده مع الكبر بيتحسنون لانهم ماراح يرضونها على انفسهم بس الحين هم اطفال وماهمهم اصبري عليهم والله يفرجها عليك
الله يصلحهم لك ويشفيهم ويخليهم قرة عين لك