السلام عليكم
اختي روح السعوديه انا اقولك غيري طريقتك معاهم جذريا انسي العنف الكلامي يعني وش تنتظرين من طفل وانتي تقولين له بحرقك انا عارفه انك مستحيل تسوينها لكن هو بيصدق وبيتخيل والله ياعالم وش يصير في مخيلته
بما انهم سليمين والحمدلله فالموضوع نفسي
انا اقول لك اذا تبولوا على انفسهم اعطيهم غياراتهم وانت تضحكين وتمسحين على روسهم وتقولين لهم انتم حبايبي والعبي معهم واعطفي عليهم اكثر واصبري عليهم علاجهم النفسي يبيله مدة طويله موشهر ولا شهرين واهم شي لاتخلين اخوانهم يتطنزون عليهم بمشكلتهم ولا يعلقون انسوا ان عندهم مشكله وانتي من غير مايحسون حطي احتياطاتك يعني لما يكونون عند التلفاز افرشي لهم فراش متين واذا توسخ الله يعافي الغساله وانتي ريحي اعصابك خليهم يرتاحون من ناحيتك يمكن يتشافون يمكن اللي فيهم خوف منك الله العالم
ولاتنسين تعطينهم عسل طبيعي على الريق مفيد جدا لوضعهم
وعندي احساس مع تقدمهم في العمر بتنحل مشكلتهم بالتجاهل اذا خليتيها دايم في الواجهه وكلما شافوا وجهك تذكروا تهديدك وعقابك وانك موراضيه عنهم مستحيل تنحل مشكلتهم والدليل انهم عند رفيقتك تمام التمام يعني سبب المشكله من عندك واحتمال بدايتها جت من موقف قوي اثر على نفسياتهم والله اعلم