[ام ولد وبنت]

بسم الله والحمد لله والصلاة والسلام على رسول الله وبعد

السلام عليكم ورحمة الله وبركلته

هذه مشاركتي الثانيه هنا
حيث روادني قبل امس رؤيا فيها احداث غريبة وكان فيها اني انا وامي بنطلع مكان وانا كنت في طابق بيسمنت او تحت ارضي وبعدين شالني اخوي على ظهره ورقي فيني الدرج ونزلت جنب امي اللي كانت لابسه عبايتها وجالسه على كرسي قدام الشارع وقفت معاها نستنى اخوي يجيب لنا السيارة عشان نروح.....انتهى

تذكرت ان الرمز اللي يتكرر علي كثير ولا انتبهت له هو امي (الله يحفظها ) كثيييييييييير اشوفها

بدأت من عمر اول ما بدأت اتذكر الاحلام
حيث ان اول رؤيا لي واتذكرها زيييييييييييييين ولا قد عبرتها كنت 12 او 13 سنه
وهي اني شفت نفسي انا واهلي وعمامي عند باب بيت قصر ودخلناه وكان القصر جدا كبير وفخم واثاثه زي المغطيه بشراشف بيضاء عشان الغبار وجلسو كلهم على كنبتين فخمات يمين ويسار وكانت اختي هيفاء وبنت عمي نوال لابسين ملابس حلوه وكشخه لونها على الموضه فذاك الوقت (اورنج وزهر ) وشوي انا طرت فوق ارتفعت حسيت فعلا بالرفعه وانا وقتها خفت وزعلت (حسيت اني مت)الا تجي امي وتزعل مررررره عشاني الا هي بعد ترتفع معي وهي ترتفع ومبسوطه من الوضع زي اللي حست انه شي غريب وممتع الا تلفت علينا اختي هيفاءونوال تناظرنا بس ماكان لها ملامح

(ما قد فسرتها الا ان واحد لم اثق فيه وقتها قال يمكن يجيكم ولد)


وبعدين توالت علي رؤية امي كثير بعد طلعتي من بيت اهل طليقي رأيت ان بنات خالي بيروحون يزورون خالهم وانا قررت او امي قالت لي روحي معاهم وشوي شفت امي واقفه عند الباب وطلعت من قدامها وحده من بنات خالي وبعدها انا وبعدين صارت احداث كثيره في الرؤيه بس ما شفت امي

وفي هذه الرؤيا تكرر رؤية قصر مرتين الاول دخلته والثاني لأ
(المعبرة قالت لي ان امي هنا تمثل حياتي الشخصية)

كمان شفت نفسي وقت المطر ابي اطلع للحوش عشان ادعي ورافعه يديني بالدعاء الا امي توصيني ادعي لها وقلت لها طيب الا انا ناظرتها وانا بداخلي زعلانه واقول بنفسي انا دايما ادعي ربي ارحمهما كما ربياني صغيرا وكافئهما بالحسنات ......انتهى
هنا قالت لي المعبره جزاها الله خير ان ممكن تكون دعوة مستجابه لكن ما عرفت ايش تمثل امي بالرؤيا



شفت اني كنت في قاعة فيها محاضرة وكنت جنب بنت عمي نوال الا استئذنتها اني ما اقدر امسك نفسي اكثر منها بروح اقضي حاجتي (اكرمكم الله) ورحت وشوي الا يطلع نصه وكان طويل وقاسي (لم ارى الغائط رأيته من خلف لباسي الداخلي الابيض ولكن لم اخرج على ملابسي)ولسى فيني باقي وتعصرت بقوووة وتعب وخلصت وحسيت بعدها براحه شديده حتى اني حسيت بتنهيدة الراحة وبعدين حسيت اني ماخذه احتياطاتي اني ساترة نفسي واني رحت ولا علمت احد بس امي سوت حركه غير مقصوده ما ادري ايش يس كان من الممكن اني اتكشف وطلعت ورحت لمها ولاغيتها وانا معصبه واشر لها باصبعي وكان حولها عدد من قريباتنا شفت منهم نوال (كانت بصفي لاني مستئذنه منها ) وزهوة كانت مكشرة (ناقده علي) وحسيت بوجود خالتي فاطمه وفوزية وغيرهم

هذه لم ابحث عن تفسيرها ولكن ايضا هذه ثالث رؤية لي خلال 3 اسابيع اشوف نفسي في ندوه او محاضرة
(هذا الرمز وقع في داخلي يمكن ان يكون محاكمة تقع بيني وبين طليقي)
(بحثت عن معنى الغائط اكرمكم الله في الرؤية)
ويمكن يكون تفريج هم كبير لي ويمكن امي هنا تمثل نفسي اللي انا زعلانه منها
انتهت رؤية امي

لكن هناك تكرار رؤية لي ولأختي في نفس اليوم بنفس الرموز والاحداث وهي

رؤيتي انا اقف على درجات مرتفعه وبجانب شباك على يميني وكان نهار ونور ورافعه يديني للدعاء واقول يارب يموت يارب يموت و(...)اخت طليقي تحت عند رجولي في هيئة ترجي انا كنت اعلى منها وتقول لا لا لا قصدها تترجاني ما ادعي على اخوها ورديت قلت الا يا رب يموت الا وشوي تأشر على وراها شوفيه تبيني ارحمه ولا ادعي عليه وناظرت قدامي الا مساحة وسيب وفيه ابواب ............انتهى

اختي نقلا عنها بالمصطلحات
رأت نفسها وهي تقول حسبي الله عليه وتاشر بيدينها زي الدعاء وتدعي عليه وهي في مستوى اعلى من(....) اخت طليقي بينهم مساحه و(...)اخت طليقي زي اللي تترجاها انه ما تدعي عليه وبنفس الوقت مفتشلة من تصرفات اخوها وكانت فيه مساحه كذا وكانت الدنيا نور الا شوي تشوف نفسها هي و(...)اخت طليقي جالسين وقالت لها(اخت طليقي تقول لاختي) قولي لـ(اسمي ) تكتب بدل كلمة فيوتشر حطي فينيتشي بالفيس بوك ......انتهى
اللي بالازرق نصا كما رأت اختي حتى انها كتبته حتى لا تنساه

للمعلومية انا واختي شفناها في نفس اليوم لكن كل وحدة فينا كان في بيت وكنا طول اليوم ما شفنا بعض هذا بالاضافة ان اختي شافتها على وقت صلاة الفجر وانا بعد الفجر