[you] قصيد من تراثنا الماضي وتعتبر هذه القصيده من اروع القصئد
هي قصيد للفار العربي الذي عاش في الصحرا وله بطولات وجولات مع الملك عبدالعزيز رحمه الله هو الشاعر العربي السعودي_فراج القرقاح الملقب(ابن ريفه)
عنوان القصيد يالله وانا طالبك حمرا هوا بالي
يالله أنا طالبك حمـر هـوى بـالـي
لروح الجـيـش طـفـاح جنايـبها
وان روح الجيش حاذيه أشهب اللالي
لا هي تورد وسيع صدر راكبها
اللي على كورها واللي بالحبالي
واللي على المردفه واللي بغاربها
لروحت مع سباريت الخلا الخالي
كن الذيابه تنهش من جنايبها
تزهى السفايف وتزهى الخرج وحبالي
ومجرب لسراب الليل صالبها
حي الطويلة وحي اللي شراها لي
من واحد جابها للسوق جالبها
شريتها بالدهر يوم رخص الغالي
بميه وخمسين ما يمهل يغايبها
حديدها وأذكر الله كنه ريالي
كن الحيايا تلوى في مـقـاظبها
أضرب بها الوعل لا منه تهيالي
ابو حنيه كبير الراس شايـبها
لا ثار بارودها للعود متالي
منها الريـايا مقطعة نشايـبهـا
والى لفونا من المقناص زعالي
واحد مدح بندقه وواحد يعذربها
بشرتهم بالعشاء من عقب مقيال
ألقى يده مع مرد الكوع ظاربها