[QUOTE=-ـ_ الجنة أغلى _ـ-;1393284]
المشاركة الأصلية كتبت بواسطة الدكتور فهد بن سعود العصيمي
أول شئ أشكرك جزيل الشكر وادعوا لك الله عز وجل اني يبقيك ذخراً لإسلامك ووطنك وأهلك
1/ هل وقعت لك هذه الظاهرة، ورأيت رؤيا واحدة أكثر من مرة؟
نعم / مو نفس الرؤيا بالضبط لكن فيها تشابه يعني اخر مرة رايت هالرؤيا كانت قبل اسبوع الرؤيا اهي اني اسوق سيارة ويكون وضعي وحالتي في خوف شديد ورهبة واكون اني اهرب من احد غالباً مرة كانت معي اختي وهي اللي تسوق بس كنت خايفة مدري ليش غير انها ماكانت تعرف تسوق ومرة مع اختي اللي اصغر مني وبرضوا خايفة ومرة مع ابوي وخايفة وبعض المرات لوحدي بس اغلبها يكون خوف وتتكرر علي يمكن من حوالي سنة وزيادة أو سنتين برضوا فيه روؤيا ثانية كثير ماتتكر علي مرة مرة مرة وهي إن عيال أخوالي وخالاتي يبون يغتصبوني أو بس يكون تقبيل وماشابه وأكثر شخص ارى فيه مثل هالاشياء هو ولد خالي متزوج بس ماعنده عيال من خمس سنوات وبرضوا واحد ثاني بس اهو اكثر شئ واكون انا خائفة مرة مرة واقعد اهرب طول الحلم وهو ويلاحقني او غيره وبرضوا هالرؤى من حوالي سنتين وفيه رؤيا ان خالي طلب مني اني اشاركه في النوم وفعلاً لبيت طلبه بخوف في البداية اول ماطلبني كنت خايفة لكن اول ماجيت عنده هديت وانا اللي بديت في الكلام لكن ماصار شئ كبير مجرد اني نمت معه بدون مانسوي شئ وبرضوا بنفس الشخص رأيت ان امي دخلتني عليه تقولي هذا زوجك لكن بالواقع والرؤيا اهو خالي وأغلب هالروؤى اللي كذا تكون امي موجودة وراضية باللي يصير وأخوالي كذلك
2/ كم مرة تكررت عليك؟
الرؤى الأولى (القيادة) يمكن 8 مرات أو 10
الرؤى الثانية (الإغتصاب وماشابهه) يمكن 10 او 15
3/ ما أكثر رؤيا تكررت عليك؟
نفس الجواب الاول في السؤال الاول
4/ هل تؤمن أن وراء هذا التكرار رسالة ما؟
موضوع القيادة مدري بصراحة ماعرف بس أعتقد ايه لاني انا مافكر في هذا الموضوع ومع ذلك اشوفه كثير
الموضوع الثاني (الإغتصاب وماشابهه) يمكن لاني مقصرة بوصلهم بس ابي اعرف ليش ولد خالي اللي متزوج وماعنده عيال اهو اكثر واحد تتكرر فيه الرؤى وخالي كذلك
انا حالتي عزباء من رايت أول رؤيا الى اليوم والله يوفق الجميع وعمري 19 و8 شهور
|
هذا تعديل اعذروني
رؤيا تتكرر علي كثيراً ونسيت أن أكتبها وهي إن حريم لابسين عبايات وغالباً مايكونون بعبايات إسلامية ولا ظاهر منهم إلا يديهم ووجههم وبعضهم بس وجهها ويسلمون علي بحرارة واكون انا في حالة خوف وقلق وفرح وخجل وحالة غريبة نوعاً ما
أما كم مرة تكررت علي فأعتقد حوالي الـ7 أو 9 مرات
أكثر رؤيا تكررت علي نفسها حرمة تجي وتسلم علي وتطول مدة السلام مرة في جراتنا وهي جارة قديمة من زمان بس نعرفها إلى الآن وهي انها دخلت علي غرفت النوم وانا كنت ارتبها على ماعتقد وكانت محيوسة ومخربة شوي فأمي وهي بالمطبخ تقول "هاه جات الشهرية ياعئشة اللي تقولين عيب لازم نعزمها" امي مقصدها من الكلام طرفة وبرضوا شوفي بنتي تحبك المهم سلمت عليها يمكن 7 مرات بحرارة وحب مرة ثم مسكت يدها بقوة ارتحت لها مدري ليش وحطيت يدي الثانية على يديننا وقلت معليش المكان مو قد المستوى وأنا أأشر لها على بعض الحوسة ومرة في بنت خالة امي وغيرهم
أعتقد إن الرسالة من تكررها إنها ربما يكون خطيب لي لاني سبق وفسرت وحده وقال الشيخ انت مخطوبة قلت لا قال الله يرزقك برجال دين واخلاق وهالرؤيا تتكرر علي يمكن من سنة وزيادة وتكون قصيرة نوعاً ما وامي ماتكون حاضرة بهالرؤيا او اسمعها تتكلم بس ماشوفها وهي مرة وحده اللي سمعتها تتكلم والباقي ماتحضر فيها ابداً انا عمري 19 وزيادة وعزباء واسأل الله أن تكون خير لي وللجميع