[نوآآآره]

بســــــــم الله الرحمن الرحــــــــــــــــــــيم



أخواتي وأخواني .. الله يجزاكم الجنه .. أرجوكم ثم أرجوكم

أي أحد عنده المقدره ومعرفه في حل مشكلتي لاتبخلون

علي ولا راح انساكم من دعواتي لكم ..

وارجوكم لاتخوفوني ابي ردود فيه راحه وطمأنينه لأني من النوع

أخاف كثير ..
راح أتكلم عن مشكلتي

المشكله اللي أعاني منها تقريباً لها مدة يعني من 4 سنوات

طبعاً السبب لاأعلمه بداية المشكله كنت في آخر سنه

من الثانويه العامه طبعاً ( ثالث ثانوي ) وكان في ايام

الأمتحانات النهائيه وأنتم تعرفون اخر سنه يبيلها شد حيل

وكنت متوتره جداً وافكر كثير

وفي يوم من ايام الامتحانات تعبت .. تعب مو طبيعي

وجتني نزله معوية شديده وقلت ماأقدر اروح المدرسه لأني

تعبانه .. وامي من حرصها ودتني المستشفى الصباح

وبعد كم ساعه راح يكون امتحاني واتذكر رحت المستشفى

الساعة 4 الصبح .. الله لايعيدها من ايام.

واعطوني ابر مهدئه ومغذي وطلعت من المستشفى انا وامي ورحت

على طول المدرسه . والله العظيم حالتي يرثى لها

الله يكرمكم امتحن في الفصل وجنبي الزباله .. الله يكرمكم

علشان كنت استفرغ كثير .. وضع لايحسد عليه.

وحتى وانا طالعه من المستشفى معي فوط واكياس وحالتي حاله

طبعا بعد ماخلصت الامتحانات

اصبت بقولون العصبي .. الله لايوريكم بس ..

طبعا كله من التفكير والتوتر والوسواس وبصراحه وسواس

الشيطان غلبني كثير .. صرت اهوجس كثير بالامراض

بالموت .. تعبت نفسيتي كثير .. انقلب حياتي صرت اتمنى

الموت .. تخيلوا

من الموقف نفسه يوم كنت في الامتحان .. وجتني حاله

خوف وقلق وتوتر .. استمرت معي من ذاك اليوم الى الان ..

وهذا الخوف هو ( من الاستفراغ او التقيؤ) اصبح

حاله نفسيه اخاف اذا طلعت السوق او العزايم او المستشفى

او السفر وحتى انا بالجامعه الحين يجيني خوف وتوتر من

الاستفراغ .. مافي الم ولا اي شي ولا احس بشي

بس لوعه مستمره معي .. اذا طلعت , وإذا رجعت البيت

تختفي هذه الاعراض تماماً تماماً .. ولا كأن صار شي

تدهورت حالتي جداً .. كرهت حياتي . كرهت حتى نفسي

سويت جميع التحاليل .. وكلها سليـــــــــــــــــــــــــــمه

وحتى اجريت تحليل ماقبل الزواج لاني الان انا متملكه

وطلع سليم ومافي اي شي ..

.. اريد اعيش مثل الناس ..

إذا طلعت أقول في داخلي اكيد .. راح استفرغ قدام الناس

او بيصيرلي شي ..أو . او .. او. مااستمتع بطلعتي ..

والمشكله ان هذا التفكير مايتحقق بس اقعد اتوسوس .

وإذا رجعت البيت والله العظيم تختفي الاعراض

بس احيانا اطلع واتمشي ولا يصيبني هالاعراض .

والان انا متملكه وراح اكون في حياة جديده اخاف

اتعذب .. والله تعبت من التفكير تعبت تعبت وربي ..

والله إني في هم مايعلمه الا الله .. وانا الحمد لله مؤمنه فيه ..

ليش انا تفكيري كذا ودائما .. متشائمه

ابي اروح اتمشى ... وانا مرتاحه مو افكر . تفكير

معذب ..

مممكن يكون قولون عصبي او اني اخذت موقف من ايام

الامتحانات وبعدها تعلقت في نفسيتي واصبح

شي نفسي ...في احد جرب مثلي وتشافى .

ارجوكم ريحوني .. جعلي فداكم .. ارجوكم .

الله يجزاكم الجنه أنصحوني وريحوني

لاتطنشوني .. وربي حزينه

وانا عمري 21 ماشفت الحياة للحين تعبت من التفكير

ومقبله على حياة زوجيه اخاف يتأثر حالتي .