[ورد الريـاض]

السلام عليكم

في البدايه نسأل الله العظيم ان يشفي جميع مرضى المسلمين

ياروز الفاضله حسب كلامك ان العله هي في طليقته ماهي فيه والرجال مايعيبه الطلاق أسالوا عنه واذا كان راعي دين وخلق توكلي على الله ولا يهمك نظرة احد مادمتي على صح
اذا ناظرتي الناس ونظرتها وكلامها راح تتعبين لانهم عمرهم ماخلوا احد في حاله
انتي سوي الشي اللي انتي مقتنعه فيه مادام يرضي الله خلاص توكلي

مالعوائد النفسيه والمشكلات التي قد تواجه هذه الفتاة حين زواجها من هذا الرجل ؟
سؤالك هذا غريب !!
لوكان هو اللي يعاني من حاله نفسيه كان سؤال في محله
بس الرجال مافيه شيء
واذا كان قصدك انه طلق زوجته في فتره قصيره ممكن ترجع لعدة اسباب
اولا اي رجل بيكون عريس بيكون راسم في باله حياة حلوه ورديه كلها رومنسيه
وقد يكون تفاجأ من حال زوجته وتعبها النفسي وصارت حياته متعبه وفيها معاناة
والغلط هنا من اهل الزوجه المصارحه بكل الامور لازمه لتفادي المشاكل يعني الرجال مسكين يتعب ويخطط ويفتح بيت ويعقد آمال واحلام وفي الاخير يتفاجأ بزوجه مريضه نفسيا هذا من الغش
ومن ناحية الطلاق اعتقد نظرته للموضوع بعيدة المدى يمكن يكون فكر بالاولاد وتربيتهم مع معرفتي بصعوبة الحمل اوامتناعه من المريضات نفسيا عافاهم الله يعني فيه مبرر للطلاق

وان كتب الله وصار نصيب طبعا انسي انه كان متزوج ولاتسألينه نهائيا عن زوجته السابقه بس من حقك حاليا معرفة اسمها وبنت مين والتاكد من انها كانت مريضه اي سبب الطلاق ومافيه مانع سؤالها عن طليقها
وطبعا انا عارفه انك ودك تعرفين مواصفاتها غريزه نسائيه سبحان الله هههه اذا بغيتي هالشيء حاولي تسالين ناس بعيد
هذا من وجهة نظري

وأسال الله انه ان كان في هالزواج خيره لك ان يكتبه لك ويوفقك ويسعدك وان كان غير ذلك ان يصرفه عنك ويعوضك خير