[امل الغد المشرق]

ابغى اكتب مشكلتي واتمنى من اهل الخبره يردون عليا وخاصة بعد ما يئست وفكرت بالانفصال كثيرا
متزوجه من 3 سنين عمري 28 الله اكرمني بطفلي سنه و8 شهور زوجي طيب ورجل محترم يصل اقاربه يشرف على امور امه وزوجة عمه الارمله يساعد كل من يحتاج له
مشكلتي انه لا يعرف الرومانسيه لا تقولون ابالغ لا يا حبايبي زوجي ما يعرف يقلي احبك الا وقت العلاقه الزوجيه اما غير كدا مستحيل حتى الضم والقبلات ما يعرفها الا لمن يبغى حاجتو وبعدين؟؟ اخوان حتى لمن البس واتزين والله ما يقلي شكلك اليوم حلو ولو مجامله مع اني دايما اتغزل فيه لكن لا حياة لمن ينادي .. النتيجه صرت اهتم لر؟أي الاخرين اتكشخ واتزين آخر زينه لمن اخرج وفي البيت عاديه اتنظف وارتب نفسي والبس لكن بدون مبالغه لاني يا ما على قولتهم سويت لكن!!!كم مره لمحتلو والله صاحباتي اليوم عجبهم لبسي ومكياجي اياكي اعني واسمعي يا جاره .. كم مره قلتلو نحن صرنا اخس من العجزان ما نعرف نقول كلمة احبك يقلي خلاص نعدل وضعنا بس النتيجه زي ما هيا.. كرهت حتى العلاقه الزوجيه صرت اتعذر لاسباب تافهه تصدقو تصير مره او مرتين في الشهر ياما جلسنا شهور اخوان وانا عن نفسي دحين كرهتها حتى زوجي بديت اكرهو ما صار يهمني زي اول فكرت في الانفصال كتير عشان ما نخسر بعضنا اكتر والله اكتبلكم ومني قادره امسك نفسي من البكا ساعدوني الله يرضى عليكم واذا تقدرو تدلوني على مؤسسه تحل مشكلتي لا تبخلو عليا الله يفرج همكم.. اقدر اوصف نفسي باني كنت شمعه ودحين شمعه وانطفيت... يارب رحمتك ارجو.