مايجرح النفس مثل الكلمه المـره
لاجات من واحدٍ ماهـوب حاسبهـا
تحزفي خاطـرك بالحيـل وتضـره
لوكان مالك دواعي فـي سبايبهـا
لكن بعض البشر مرضـى مغتـره
تشيل كل المصايـب فـي حقايبهـا
لوكنت تهرج بحق وكلمتـك حـره
الشك في خاطـر الشكـاك يقلبهـا
وبدال مانته تبيلـه خيـر وتسـره
الغايبـه جابهالـك مادريـت بهـا
واصبح لسانك على الغلطات مجتره
في لعبت (ن) له على فنه يلاعبهـا
ويحرف الهرج عن معنـاه بالمـره
واللي بعيدٍ عـن الشكـه يقربهـا
دنيـاك يالادمـي ماتـازن الـذره
حاسب لنفسك قبل ربـك يحاسبهـا
واعمل عمل خير واخذ النفس بالقره
والطيبه في حياتك كـون كاسبهـا
قبل فـوات الاوان وزفـرت الغـره
نفسك لها حـق يامسلـم توصبهـا
في يوم مالك على ظهر الثراء جره
والروح مرهونـتٍ بيديـن طالبهـا ..