الوفا طبعي وجدي
اول شي كلامك مايزعل ولاشي بس تحليلك خطا واستنجت على كيفك
ولكن اسمح لي بان ارد عليك
وهذا مايمنع عشان ماتتهم قصة اعيشها بالالام والاحزان والدموع بانها مو حقيقة والها اساس من الصحة
بالفعل ابي اعطى زوجي مبلغ ثلاثين الف ريال وفكرنا اننا لو أثثنا البيت مكيفات واثاث وثلاجة ومطبخ وغرفة نوم بتضيع الثلاثين
واذا بنعطي صاحب احد الديون فلوسه بنبقى على حالنا والوضع ماتغير الا فقدنا المساعدة اللي ماراح نحصل عليها الا مرة وحده
اخو زوجي عنده مؤسسة صغيرة قلنا احنا مانقدر نفتح اي مشروع بالثلاثين
فكرنا ندخلها مع اخو زوجي يشغلها يشتري بضاعة ويبيعها
ولكن للاسف خسر الفلوس لانه كان يبيع بالاجل وينتظر الفلوس من التجار
مره يعطونه الف مره خمس الخ وكل مره يعطي زوجي تناتيف يالله نعيش فيها وضاع المبلغ وابوي يبي فلوسه
اخوان زوجي مايساعدون كلهم موظفين الا واحد تاجر وكل يشتكي من مشاكله يوم زوجي يطلبه ..
بس مايمنع ان زوجي يحب اخوان وتعود عليهم
بالنسبة لقولك اني اكثرت من كلمة العجز المادي
اذا الانسان صادق شخص خمس شهور تعود عليه
كيف اللي عاش اكثر من ثلاث سنين
عارف وش يعنياكثر من ثلاث سنين من عمري وفي شبابي ((اتمنى توصلك المدة صح ))
بعدين اكثاري من هالكلمة لاني مو مصدقة اللي اعيشه وانا قلت اني اخترت النت عشان اكتب عشان ارتاح
وكتبت بعد ان محد يدري عننا
بس انت قريت اللي تبيه وحللت على كيفك
انا لو ابوي يدري عن وضعي كان ما طالبنا بفلوسه كل شوي
لو احد درى عني كان ماخلوني خوالي وعمامي
لو احد درى عني كان ماشكيت في النت
انا كتبت عشان محد يعرفنا قلت اكتب واتحاور مع الناس عشان مشكلتي
يمكن فيه حل حنا غافلين عنه
لو احد درى عني كان ما انحرمنا من شي وجيراننا مايدرون
انا اكتب ومو مصدقة اني اكتب هالكلام عشان كذا اخترت النت
انا لو متعودة على هالعيشة كان قدرت وببساطة اشكي لاي احد واقول ذبحنا الفقر والدين
لكن ماني قادرة
كتبت موضوعي بمنتدى ثاني
والكل مستغرب ليه ما اقول لابوي وهو اقرب الناس لي
محد يفهم اني ما اقدر اقول شي ابدا
حتى اذا جا احد من قرايبي الرياض انكر وجودي وادعي اني مسافرة لاني مقدر استقبله
ليه اسأل نفسك ليه ماتكلمت؟؟؟
اكيد لان الكلام هذا مو سهل علي ابدا ابدا ؟؟
اخيرا اشكرك يمكن انت اثرت نقاط كانت في بال احد وخلتني ارد