[البندقيه]

و ما أدراك ما الشهر الثامن


آآه بس


الحمدلله على قضائك يا رب


يجينا خبر زوجها سوى حادث سيارة و مات


و الله يا بنات كلنا كان تفكيرنا كيف بيوصل لها الخبر


أبوها أغمى عليه ارتفع عليه السكر و ما عرف شلون يخبر بنته


أخوانها الثلاث صياح و دموع مو قادرين يصدقون .. كان لهم أكثر من أخ و زوج أخت لا يقارن بأزواج أخواتهم الباقين ..


و أخواتها اجتمعوا في بيت أهلها ينتظرون أحد يجيبها حتى يخبروها عند أهلها ..


تخيلوا يا بنات راح أخوها الكبير لها قال لها : أختي فلانة زوجها شكله يبي يطلقها (أخته هذي عندها مشاكل مع زوجها).. فتعالي عندنا واسيها






لبست عبايتها و جت معه ركض ، و قبل ما تطلع من الباب قالت : يا أخوي ما قلت لزوجي ، خل أعطيه خبر ..
قال : وش دعوى يزعل .. انت بس تعالي لا تدقين عليه و تشغلينه ..




جت يا عمري تبي تفزع لأختها ..
دخلت البيت



شافت أهلها جالسين بالصالهـ


ركضت تدور على اختها
شافت أختها تبكي


قامت تواسيها يا بنات تقول لها : أصلا ما يسوى من ظفرك شيء ..
المفروض تحمدين ربك


و هنا دخل أبوها ..


أول ما شافها جلس يبكي و يحضنها ..
هي حست بشيء .. قامت تخيلوا تدف أبوها تقول : فلااان صار له شيء



تكلموا .. تكذبون علي
بأروح لبيتي


و ركضت تبي تطلع


مسكوها خواتها و أخوانها : قالوا لها : تعبان شوي


قامت تصرررررخ يا بنات صوتها سمعوه الرجال في المجلس


قامت تقول :ودوني له أكيد يبيني أوقف جنبه في مرضه ، انا زوجي ما يمرض إلا و اكون جنبه ،
<<<<< .. ما تدري إنه مات


قام أبوها يهدي فيها يقول لها بأخذك معي نروح له ..


و هي بس تبي تطلع


و خواتها ماسكينها ..


يا ربي يا صعب هاللحظة ..


تخيلوا أبوها ما قدر يكتم الكلام ..


قام يصيح و يقول لها يا بنتي وين تروحين له و هو ما هو حولك ..


عاد هي بدأت تستوعب و سكتت ، و قفت صراخ


قالت : وشو فهموني وش تقولون ، لهالدرجة زوجي تعبان و مو قادر يحس فيني
<< المشكلة إنها كانت مستبعدة تماماً إن زوجها مااااات


قام يقول لها أبوها : يا بنـتي خلاص ماهو حاس فيك .. و جلس يبكي
و أمها تبكي


هي هنا فهمت قالت : لا تقولون مااااااات


لااااا .. أصلا هو ما راح يموت و يتركني


يتركني و لسه ما شاف اللي في بطني


و أغمى عليها


و لا حست بأحد


حاولوا أهلها يصحونها
ما قدروا


نقلوها المستشفى ، قالوا جايها انهيار عصبي شديد و احتمال ولادة مبكرة يمكن تفقد فيها الجنين لأن الجنين صعبة ولادته في الشهر الثامن و نبضاته ما تطمن ..


جلسنا ندعي لها ربي يهون عليها ..


بيت أهلها صاار حزن في حزن


و هي استمرت في المستشفى غايبة عن الوعي تقريباً 3أسابيع


تفتح عيونها و تناظر اللي حواليها و هي ساكته و ترجع تنام ( كان الدكتور يقول هذي حالة نفسية تبي تهرب من الواقع )


دخلت الشهر التاسع و هي ما زالت في المستشفى
قرروا الأطباء لازم يولدوها قيصري
ولودها و جابت ولد ما شاااااااااء الله جميل .. و الشبه نسخة كربون من أبوه ..
طبعاً ولدوها و هي مو حاسة بنفسها
بعدها قرروا الأطباء إن خروجها للمنزل أفضل حتى تتأقلم مع الوضع ..
طلعت لبيت أهلها .. أمها و أختها الكبيرة كانوا يهتمون في المولود
و هي جلست ملازمة للصمت تقريباً شهر في المستشفى و شهرين في بيت أهلها

يتبع