سنين احسب المسافه بينـك وبينـي
والحق توك بقلبي مـن ربـع ساعـه
من حاله الحـب تكفى لا تصحينـي
خل المشاعرونبضي يجمـع امتاعـه
الـروح ياهاجسـي يـمـك توديـنـي
والقلب يجرالشجن لك موجع اضلاعه
الله ياحلـم هـاك الوقـت ياعيـنـي
يـوم اتفقنـا انكـذب كـل سماعـه
تصدق اني على عهدك ومـن حينـي
وانااحفظ الود واعـدل كـل اوضاعـه
واذا ذكرتك وربـي العيـن تبكينـي
ويبدا حنيني يوجـه يـمـك اشراعـه
ياخل خالي و لك الشـوق حادينـي
وتعبت مطاياي وروحي ترفض الطاعه
امس اجمع اللي جمعني فيك وسنيني
استرجع الحب حلوه ونزعه اوجاعه
وياصبر من ضيقتي ضاعت عناوينـي
ياليت يشعر ومابي ياصـل اسماعـه
يمكن يحن ومثـل ما اغليـه.. يغلينـي
وعزالسنين الخوالي يرجـع بساعـه
سؤال حايـر بنفسي انـت ناسينـي
والا تـغـلا ونفسك دوم طــــماعه