أختي الماسة الله ينور طريقك بالخير والسعادة
أنا والله ماني قانط ولا يائس على العكس صابر ومحتسب
وبقول في قلبي الله يسعدها ويهنيها هي هلأ عنجد مبسوطة معه
مابعرف شو بقلبها بس إلي وصلي الخبر أكد لي هاد الشي
أنا والله مابتمنالها الشر أبدا لك هو شيء واحد إلي فعلا بتمناه من ربي يحققه
وهو إنه ينصفني وينصرني على أهلها إلي ظلموني
أنا عنجد خايف عليها من تقلب الزمان وخايف برضو إن الموضوع ماينتهي عند هي النقطة
كل شيء جائز بهي الدنيا
أنا عنجد بدعي هلأ إن ربي ينسيني ياها لأن حرام أنا أكون عم بغلي هون وهم هنيك
يمكن مو حاسين فيني هيك بكون عم بظلم حالي كتير وعم أقسي عليها
وصدقا أنا مابشك برحمة ربي وواثق إنه قادر يعوضني بمن هي أفضل منها من جميع النواحي
لدرجة إني صير اشكر ربي إنه حرمني منها
مافي أحد أكرم من ربي ومافي أحد بجازي متل ربي
يمكن تستغربي إن قلت لك بأني من 8 سنوات وأنا متمني أتزوج
وانحرمت من وحدة قبلها رغم أني كمان كنت أدعي ربي يكرمني فيها
بس الحمد لله ماكانت من نصيبي
لكن هلأ والله تعبت نفسيتي لأني بدي استقر وارتاح وأي واحد مكاني
بحقله يستقر ويرتاح
الحمد لله على كل حال ولاحول ولاقوة إلا بالله