[منتهى الدروب]

وعليكم السلام ورحمة الله وبركاته

مسائك نور وسرور..
اسمعي يالغاليه ..
اول شيء انتو حاولوا تمدحونها لاخوك وبينو له انكم مبسوطين منها وحاولوا تظهرون حسناتها قدامه.. امدحوا الزين فيها علشان تصرفون نظره الى محاسنها ..هي يمكن فيها اشياء حلوه كثيره وهو مو منتبه لها ومركز على عيوب بسيطه فيها..وقولوا له بدري انتوا في بداية زواجكم ما تعرف وش تحب بالضبط لسى مافهمتك شوي شوي ...مشكلتهم االرجال انهم يرسمون حياه خياليه في بالهم وينصدمون في الواقع ..
ولا تقولون لمحنا لها اكثر من مره بس ما فهمت ما يصير تتكمون قدامه باي شيء عنها ..

وثاني شيء بالنسبه لها ..هي مالها شهور معه وبينكم ..وبعدين كل شخص وله ذوقه واصبروا عليها شوي شوي تلقونها تكتسب منكم ..وانتوا اذا جلستوا مع بعض سولفوا عن هالامور وان الوحده لازم تتزين لزوجها وتتكشخ ومن هالامور.. وشاركوها معكم السوالف وخذوا واعطوا يمكن هي ماتعرف او هي يمكن تتعب وتحط خلطات بس مافادت معها..يمكن ما تعرف تحط مكياج ما تضبطه..اجلسوا مره واخذوا المكاييج حقتكم وقولي مثلا لاختك نفسي ارسملك عيونك او احط لك مكياج وسولفوا يمكن هي تبي تتعلم وخذوا منها ما تبينون انها اقل منكم ..وكذلك الملابس تكلموا عنها وخذوا واعطوا وهي بتفهم..او مره انتي وهي جالسين جلسه لوحدكم تكلمي عن هالامور وقولي ان رجال يحبون هذا الشيء وما يحبون كذا بس مو بطريقة نصح بطريقة سوالف وكأنك تستشيرينها..وعندك افكار لذا الشيء وتعرفين لي محلات لملابس كذا ..احس اني طولت المعذره.. ومدري وصلت الي اقصده ووضح او لا..
والله يكتب لهم الخير ويسعدهم ويوفقهم..
بعدين لا تقولين ظلمناه بهالعروس..هذا نصيبه وربي كاتبه له ..

وربي يوفقك وييسر اموركم..