ياهلا بكم حياكم الله يابنات
ادخل بالموضوع على طول
طبعا انا يهمني كثير رأيكم عشان كذا هاذي دعوه عامه للكل
من مده كان في برنامج حلو يتحاورون في موضوع عجبني الي هو
المرأه المرغوبه بالزواج
كانو جايبين بنات من كل الجنسيات ويتكلمون عن الاشيا الي الرجل السوري اللبناني المغربي الاردني السعودي الكويتي الخ يفضلها
في المرأه
طبعا مع مستشاره نفسيه اظن اسمها سعاد الشمري سعوديه قالت ان السعودي دايما يدور عن المرأه العامله بقطاع التدريس
وان المقتدر ماليا الي طالع وشايف الدنيا يفضلها ربة منزل درجه اولي
مالها علاقه بسفراته وطلعاته وكل اهتماماتها هي البيت والاولاد في حين انه عايش حياته
وان المطلقه حظوظها كبيره بالزواج
لان مهرها يقل الى اكثر من النصف
والكويتيه تكلمت ان الرجل الكويتي البدوي يبيها مدرسه والحضري يبيها عامله ايا كان نوع شغلها ويفضلها قويه وغبيه
وتكلمو بنقطه مهمــــــــــــــــــه جدا وهي
ان الرجل يعشق امرأه ولكن يتزوج امرأه اخرى
لانه يدور على الحرمه الهينه والي تسمع الكلام والخ ليتزوجها ولكن
هو يعشق الحرمه الي تكون له الند بالند
وتحاوره وتناقشه ويحس بالتحدي معاها
والحين انتو ياحبايب قلبي ايش رايكم من هي المرأه المرغوبه بالزواج سواء كنتو متزوجات او بنات
من خلال اهلكم وغيره وانا بعد راح اقولكم عن رايي بالموضوع
بعد مااشوف تجاوبكم
ايش هالمواصفات المهمه مثلا"بنت عيله ,تطبخ,جميله ,اي جمال يعنيهم ,موظفه00000الخ وهل صحيح ان الرجال يحب مرأه بمواصفات ويتزوج امراه بمواصفات اخرى ؟؟؟؟
على احر من الجمر انتظر ردودكم