[ام عبد العليم]

السلام عليكم ورحمة الله وبركاته
بسم الله الرحمن الرحيم
مرة حلوة فكرتك اختي جوري
صار لي موقف وأتمنى انه مايصير لحد منكم ان شالله وخذوا العبره
حصل العام الماضي كنت ادرس في منطقة غير المنطقه الى اسكن فيها وكنت ابي اطلع عند أهلي وكان الوقت في رمضان كلمتني بنت خالي وقالت لا تطلعوا افطروا عندنا وريحوا وبعد المغرب أو العشاء اطلعوا طبعا العنيد عنيد لو مدري وش قالوا له ودي اقعد بس اخوي مصر يوصل قبل المغرب طلعنا تقريبا الساعه الثانيه والنصف وإحنا طالعين كان الجو مغيم قبل ما ندخل مكه كانت الامطار نازله وبشدة وش صار لنا توقعوا.....................!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!
دق ولد خالتي وقال لخوي مر على وخذني وياك هو طبعا داخل البلد لمن دخلنا ماقدرنا نطلع لا وألادهى ان ولد خالتي قال لاتجون خلاص مااقدر اطلع الدنيا كلها امطار بس قولوا من الي راح فيها المسكينه انا طبعا واختي المهم
الشارع الي يطلع على طريق الهدا كله مليان مويه لو دخلت السيارة راح تغطينا وقفنا السيارة على جنب وجلسنا ننتظر يجي الدفاع يشيلون المويه اي شي يصير المهم نعدي ولي يطلعون من فوق الرصيف طبعا لسيارات الكبيرة بس, وناس تتضارب والدنيا زحمة والى سيارته راحت وراح هو يسبح اقلكم موقف غير طبيعي المهم جلسنا على هذا الحال من أثنين ونص لمن خمس ونص طيب, عدينا الشارع ذا دخلنا في شارع ثاني والبنات الصغار الى خارجين من المدرسه من الظهر مايقدروا يمروا من الشارع لانه كله مويه وكل الطرق مليانه, أخوي قال مافيها هيا مغامرة نمشي من الشارع والله يستر السيار ما تغرق بلي فيها((طبعا إحنا)) المشكلة كل خوفي ان السيارة توقف وجلست ادعي ربي , وامي تدق والجوال مقفل والحاله حاله , المهم دخلنا ودخلت المويه انا لمن شفتها خلاص استسلمت قلت رحنا فيها، واخوي يمشي بشويش لمن خرجنا طريق المنطقه الثانيه , بس الحمد لله ربي عداها على خير , وبنت خالى تقول انا قلتلكم بس خليكم هذا الى مايسمع الكلام ,والحمد لله وبعده قلت تووووووووووووووووبة مأكررها لو اجلس لليوم الثاني
ونصيحتي انتبهوا لا تسوووووووووووون سواتي , وهذا موقف ماراح انساه ابدا ابدا ابدا
والحمد لله رب العالمين