[ام محمد/]

ثالثـآ : تعاملك مـع الأخريـن ..


البعض من البنات يلاقون صعوبه في التعامل مع الغير أو عندهـم خجل أو تحفظ أو حيره بأنها عاجزه تكسب صداقات أو علاقات اجتماعيـه كبيره وواسعـه تثق فيها بكل الأوقات..
تأكدي بأنك لو تميتي على الخجل أو التحفظ الزايد!! مارح تكونـي انسانه اجتماعيـه وهالشي راح يسبب لك عقبه في طريق التقدم والنجاح وتحقيق الأحلام ...



* هذي قواعد بسيطه للتعامل مع الأخرين وكسب محبتهم وأحترامهم: -


[١] الإبـتــســام ‏...

إبتسامتك تعلــي من مقامك!
أبسط وأسهل لغه جسديه ممكن ان تتكلمين فيها هي [ الإبتسامه ] ..
بس هذا ما يعني أنك تظلين مبتسمه دائمآ وتتظاهر بوضع ابتسامه على وجهك!
لكـن خلي الإبتسام عاده حسنه نابعه من الإحساس بالموده تجاه كل إنسان تعرفينه أو بخاطرك أن تتكلمين معه..


[2] الـمـصـافـحـه بـحـراره‏ ..

- إذا أتقنتي طريقة المصافحه راح تعطين الطرف الآخر إشاره حلوهـ بأنه يآخذ منك اللي راح تقولينه.
كوني الباديـه بإلقاء السلام أو بمد اليد للسلام مع إبتسامه خفيفه .. وإذا ماكان الطرف الآخر يعرف اسمك ماعليـه عرفيه بنفسك ..


[3] الإتـصـال بـالـنـظـر ..

بالنظره والإبتسامـه تحسسين اللي قبالك بالإهتمــام ..

- إبدأي بالنظر لعيون اللي تتكلمين معها مع الإبتسامه لفتره قصيره أو لثواني بس .. ثم غيري بنظرك لـ معالم وجهها ; لشفايفها ولشعـرها وخدودهـا ^ـ^ .. ثواني وارجـع ناظري بعيونها ولا تزيد النظر عن فتره الكلام بينكم ..

لاحظت دايم لما اجلس مع بنت مثلآ في الكليـه ..
أنا احكي وهي سرحانه تناظر بالرايح والجاي .. أقولها / انتي معاي؟ ركزي أنا جالسه أتكلم !!
تقول / ايوه معاك ... وترجع تناظر يمين وشمال ..
أنا طوالي أقفل على الموضوع وأسكت ..
لأن لو جات هي وتكلمت معاي أنا راح اطبق استراتيجية الأتصال بالنظر أحترامآ لنفسي ولها .. لكن لما أنا أجي وأتكلم معاها وتتصرف بهالطريقه .. لأ .. بكذا هي ما أحترمت نفسها ولا أحترمت وجودي ..

فـ دايم خلوا تصرفاتكم نابعه من حبكم لأنفسكم ولأحترامكم لذاتكم .. لأن الأتصال بالنظر شي ضروري ومن أداب التعامل مع الغير واللي كثير يفتقدون لها ....

[4] أسلوبــك بالكلام ....

بسؤال واحد ممكن تكسبين أصدقاء ... كيف؟؟؟
ممكن لو قابلتي بنت لأول مـره أو بينكم معرفه عاديـه مجرد سلام وبس ... وحابه انك تكسبينها كـ صديقـه ..
مثلآ أكتشفي شي أيجابي فيها ,, سواء في لبسها أو تصرفاتها أو طريقة كلامها ثم أمدحيها بهالشي وبعدهـا اسأليها سؤال بسيط سهل تجاوبك عليه ..
وبكذا تكوني وفقتي في الكلام معها ..
او .. ممكن تلاحظين شي غريب معها وتسألينها عنه .. كتاب أو غيره .....
وأستمري في الكلام ..
او .. تسألينها سؤال ضروري تجاوبك عليـه لموقف معين يعني ...

افتحي مجالات في الكلام بأي موضوع مناسب .. بس أنتبهي تسألين اللي قبالك عن أي شي يتعلق بـ(حياته الخاصـه) ..
لأن مو على كل حال ممكن تجاوبك وهالشي يسبب أحراج لك أنتي من ردة فعلها ..
وأذا كنتي حابه تعرفين أي معلومه عنها وماتدرين أذا هالشي يمثل خصوصيه لها أو لها .. اسأليها بشكل مهذب مثل:-
" أذا ما عندك مانع .. ممكن أعرف ليـه .........؟"
أو " بعد أذنك ممكن أسألك سؤال أن شاء الله تقدرين تجاوبيني عليه .........؟"

وحلو أنك تتكلمين عن نـفـسـك وشـخـصـيتـك .. بس بحدود..!!!
اول شي/ لا تحكين للي قبالك قصة حياتك كلها وتقولين تفاصيل ماتعني له أي أهميـه... لأن هالشي يسبب ملل ..
ثاني شي/ لا تعظمين نفسك وترفعين من قدراتك وأمكانياتك مثل: (أنا حلوه .. أنا ذكيه .. أنا الكل يمدح فيني .. أنا الكل يحبني .. أنا الكل يغار مني......)!!
> وأنتي ضامنه أن اللي قدامك بتصدق كل اللي تقولينه خخخخخخخخخخ

احكي ببعض الأخطاء اللي تمرين فيها أو بعض نقاط الضعف بشخصيتك .. لأن هالشي بيخليك أقرب لنفس اللي قبالك وراح يعطيه شعور بالأرتياح تجاهك أكثر ..
أحكي عن أهدافك وطموحاتـك ؟؟ عشان الناس يساعدونك ويشورون عليك بتحقيق هدف معين ..

أتذكـر مره كنت أحكـي لزميله معاي بأيام الثانوي الله يذكرها بالخير .. كنت أقولها : احب أكتب مقالات وودي أنشرها في مجلـه بس صعبه لأني ما اعرف أحد في الصحافه...
قالت: والله؟؟ خلاص هاتي المقال وأنا أساعدك ..
أسبوعين وألا المقال في جريده وبأسمي بعد .. انهبلـــت منها!!!
> وقتها كانت عندي موهبه في النقد الفني يعني أنتقد أعمال فنيه "مسلسلات وأغاني هابطه" اكتبها في أوراق وأخبيها بس ..
شوفوا كيف مجرد حديث بسيط بيننـا وين وصلنـا فيه ...
بس نشرت هالمقال هذا ولا طمعت بأكثر لأن دراستي كانت أولى من الأنتقادات الفنيه خخخخخخخخخ