& تطمن يانظر عيني أنا لك والعمر " يفداك"&
:::::
علشانك خضع قلبي وسلّم للهوا وأعطاك
مشاعر صادقه مني عليك القلب ياويله
:::::
ملكت الروح واحساسي بدون مناقشه وادراك
قناعه؟ أو أمر سامي ؟ ملكته مابيدي حيله !!
:::::
سريت بداخل عروقي اقول أهواك ثم أهواك
وصار القلب مملوكك وضوّى بالأمل ليله
:::::
وتدري بالغلا كله حبيبي ماقدرت أسلاك
على مشوارنا نمشي وكل الروح لك سيله
:::::
انا ماهمني غيرك ولايطري علي أعصاك
عليك الله وأمان الله ولك قلبي وقنديله
:::::
أنا لولا الغلا ماقلت لك تكفى ولا ترجاك
خذلني حظي العاثر ( ويادنيا من أنتي له )
:::::
وياويلي وياويلي أذا احرمتني لاماك
ياكبر الهم في قلبي عجزت أيام لا شيله
:::::
تطمّن يانظر عيني أنا لك والعمر يفداك
ولك ماضي حياتي والبقيّه في مقابيله
:::::
ياعمري يابعد كلي احبك لاتظن أجفاك
ولو طال الزعل منك وذقنا من غرابيله
:::::
أحبك كثر ما حبي سكن في داخلك واشقاك
هواك أكبر من القول وقصيدي مع تفاصيله