[اللهم سهل امري]

وي وي
اما اذا انتي تكوني ساقطه اجل البنات الي ما عندهم ضمير يأنبهم ولا شي وعادي بايعين نفسهم ايش يصيرو
بالعكس انتي يمكن زليتي وغلطتي غلطه مررره كويس واحمدي ربك انك تقدري تصلحيها وانك بتندمي قبل لا يفوت الاوان ... ارجعي وارفعي راسك واتركي الطريق الي مخليكي تشكي في نفسك
اعرف انه حتى صحباتك حولينك راح يتكلمو وراح تشوفيهم يكلمو اولاد حاولي تنصحيهم وابدا لا يأثر فيكي انه بنت مره تحب واحد ولا واحد مره يحب بنت وراح يتزوجو
اقلك على شي انا ادرس في كليه مختلطه وتعرفي في واحد من الكليه خطب وحده من نفس الدفعه الي معاه بعد ما كان قاعد يقول يحبها وما اعرف ايش ويخرج معاها ا وبعدين لما سحبت من الكليه تركها يعني فوق ما هيا تركت الدراسه وما قدرت تكمل تركها وكمان راح يحب وحده تانيه من الدفعه نفسها يعني من نفس صاحبات البنت ( تتوقعي ايش تفسريه ما اتوقع انه يتفسر انه اذا كان منجد يحبها راح يتكرها بعد ما تركت الدراسه بس كان يبغا وحده تسليه ايام الدراسه ) .. لا يغرك احد وحتى لو شفتي الناس كلها تسوي دا الشي عادي انتي بعدي عنه وكوني زي الملاك واثقه من نفسك ولا احد يقدر يرفع عينو عليكي
انتي الحمد لله غلطك ما وصل لدرجه انك تيأسي ولا تقولي على نفسك ساقطه لسه قدمك المجال انك تصححي خطئك وعلى قولة اختنا التائب من الذنب كمن لا ذنب له وتقدري تتوبي ويصير مالك ذنب ولا كانك سويتي شي وتقدري تمحي كل اثاره