خلطة الرموش انا استخدمته لرموشي مره حلوه لأني قصيتها مره وعيت لاتطول ومره ضاق صدري وبعد مااستخدمتها مالاجظت إلا بعد ماحطيت المسكرا احسها طويله بشكل وكثيفه غير عادتها ومره فرحت وهي:
المقادير :
قفشتين وسط زيت الحبة السودا ( حبة البركة )
قفشة ( ملعقة ) وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي ( الحواج = العطار )
قفشة ( ملعقة ) وسط عسل نحل طبيييييييييييييييييييييييعي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون ( يد الهاون يعني النجر ) او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة
__________________________________________________ ___
وغير كذا زيت اللوز مره حلو للرموش مع العسل
وزيت فيتامينE لحاله يدهن فيه الرموش والله ان تدعون لي بس مايتكثر على الرموش يندهن بشكل بسيط وخفيف عشان مايدخل بالعين ويخلي فيه مثل الغبش