يانور لحظاتٍ غدت من دون وجـــهك معـتمه
وينك؟بدا هذا الحنين بجـوف صدري يحتطب
ياحب اجتاح الضلوع وفـج قلبي وقسمـــــــــه
نصفين وازريت اجمع النصفين وغيابك سبب
ليت الغلا ذنبٍ تجناه الخـــفوق ويندمــــــــــــه
وليت الصـــبر جرمٍ اليا طاولت هــمي يرتكب
الى متى وانا اهين الوقت وارجــــــع واحشمه
وانا على رجم الوصال اشرف وانادي وارتقب
انا انتهيت وشوقي بصدري بدت له همـــــهمه
جمر انتظاري سمدت ناره وانا صرت الحطب
حتى ثـــمر قلــــبي تدلى قــــبل ياتـــي موسمه
هزي طرف جذعه تساقط لك من عذوقه عتب!
للمعلومه "للشاعر صالح السكيبي ...
والله مو انا اللي الفته...