بسم الله الرحمن الرحيم
أمدها هنا ...مطوية كانت وملفوفة بشرائط من الساتان الذهبي في أحد أدراج ( كوميدنتي ) المطلية بلون
الشوكولاته البنية الداكنة ...كلون بعض لحظاتي ....
يا الله عساها عقب عسري توافيق = والحظ يضحك لي ويرفع شراعه
مادامني بنت الشيوخ المطاليق = اللي لهم فالمــجـــد صوت ٍ وطاعة
حمر النواظر ساكنين الشواهيق = مرقابهم عالي ولا به وضاعــه
اللي يصونون العهد والمواثيق = والضيف لا جاهم يجونه جــماعة
اللي على كسب الجميلة مطافيق = اللي لووا طبع الردى من ذراعـه
ما همني ظلم العرب والتلافيق = ما همني ضيق الفضا واتـســاعه
يا هيه لا تكثر علي التحاذيق = ماني من اللي تشتريهن بضــاعة
ابدا باسم ربي قبل فكة الريق = وارجي من الله فزعته والشفاعة
وافعل انا الآتي : ليا هدني الضيق : = ( وجهي على سجادتي ربع ساعة )
لــ....محبتكم : خلووووود الخالد
: