آخر ما كتبت ..
يا أرض
يا ريحة مطر
يا عشب في شرفة غريب
محتاج أنا صوتك يعلمني تفاصيل الكلام
وسر هالنهر الكئيب
يا أرض
قدامي نجومك والمجرات الرضيعه والغيوم
وانا الفتات
لا جيت اشيل اشيائي الــــ ملت منازلها
الاقيني عثرت بداخلي
والحلم مسمار يعوم
متى يطيح لقاع منفاه القديم ونفترق؟
يا أرض
هاتي لي نخيلك والظلال
الظل ما يصدق
إلاإذا ما الشمس باعت للنخل خلخالها الاصفر
ومرت بين مسدول الضفائر
كف طفل ومشط من باقي حكايات الاساطير
وشراشف نور
دربي تفرق بي نخيل
دلي علي شمسي
راحت مع الفجر والا النور طالبها @@ حتى تعيد الحياة لدورة أيامه
بقيت مثل السؤال اللي يراقبها @@ طفل يمر الجواب فعضة إبهامه