جزاك الله خير على هذي القصة المؤثره فيني شخصيا...بما انك طرحتي هذي القصه الشبيهه بقصتي انا بأقولكم حكايتي مع العبايه للعظه والعبره فقط واسأل الله لنا الهدايه والثبات...انا عمري 27سنه وعزباء وجسمي والحمدلله جميل لكن المهم اني انا جلست سنتين وانا اغير وابدل في العبايات مع العلم انها غير مطرزه لكن لم استقر على عبايه معينه لأن اهلي كل مره يقولو غيري عبايتك لأنها تبرز جسمك لكن انا مااشوف انها تبرز جسمي لأن الإنسان مايشوف نفسه زي ما يشوفونه الناس,,المهم آخرعبايه لبستها قبل ما اغيرها كانت استرتش واسع لكن يقولون اهلي انها مع المشي تبرز الجسم وانا اطنشهم واقول طفشتوني ,,المهم اللي ابغى اوصله للجميع اني كنت كل ما البس العبايه واروح السوق اتعب ويغمى عليه واذا رحنا نتمشى نفس الطريقه امرض وماني عارفه ليش امرض,, المهم قررو اهلى يودوني عند شيخ يقرى عليه وبالفعل لما قرأ بدأت يغمى عليه واصرخ وصابتني زي حالة الصرع وانا منسدحه وطبعا وقتها كنت لابسه العبايه الاستريتش وبعدين خلص الشيخ القرآءه ولما سألوه اهلي اش عندها قال عندها حسد قوي على جسمها وقال لأخويه ياولدي ماتشوف عباية اختك قد ايش ماسكه على جسمها وهي منسدحه والله العظيم إني اغض البصر عنها وانا اقرأعليها ,,حرام ياولدي لازم تنصحونها لأن مرضها في جسمها وهي بهذي الطريقه تبرز مفاتنها وعيون الناس ماترحم ياابني ولاتنسى اننا في وقت كثرت فيه الامراض والابتلاءات والفتن ,,واللي صار اني خرجت من عنده وحده ثانيه من جد اقتنعت اني اغير عبايتي وللمره الاخيره وانقيها نقوه مو عشاني مرضت لا والله بس عشان كلامه أثر فيني وخلاني احتقر نفسي لأني قلت إذا هذا شيخ وحاول يغض بصره كيف الشباب المراهقين لو شافوني وناظروني بشهوه والعياذ بالله؟.بجد والله مايحس الانسان بغلطه إلا إذا تهزأ أو مرض .. ادعولي بالهدايه ترى غيرت عبايتي شريتها واسعه لدرجه ان اللي يشوفني مايقول بنت بل يقول حرمه متزوجه ومخلفه كمان...