انا وقلبي نحتري نظرت العطف
نطلب دف الاثنين والوقت بارد
واحزاننا يا سيدي ماتبي حلف
قلبي ورد ظامي وانا جيت وارد
ننزف تعب مدري متى ينتهي النزف
كن التعب فينا خيولٍ تطارد
ما همني واحد ولا همني الف
قلبي لنظرات الشماتات طارد
كشفي ستر مدري غداستري الكشف
وانا كذا مابينها اروح وارد
زايد عن الواقع وزايد عن العرف
وزايد عن اوزان البيوت الشوارد
يا ساعدي لا تشتكي فوقك الكتف
خرجت انا من قمقم الحزن مارد
سجات في المنفى وسجات في الوقف
ولا ني بلغت سهولها والمجارد
مشيت نصف الدرب وامشاني النصف
طالت وانا وياه طاوي وفارد
تخرج حكاياتي عن الحكي والوصف
سارد حكاياتي ولا نيب سارد
اتعب عيوني كثرت الدمع والرف
لا شفت شمس ولا طلع لي عطارد
واندب حظوظي واضرب الكف بالكف
متى تفارقني الحظوظ المقارد
مما لـــــــــــــــ راق ـــــــــــــــــــي.......