:
الله عليك ياوفا ، وعلى حضورك
كثر ماضحكت من ردك ، كثر ماضاق صدري عليك !!
بس
بسراحة ، بسراحة ، بسراحة >>>>>> تكفين يا حليمة بولند
لك وحشة ماهي بسيطة
انتي غير !
ورذاذ المطر الله عليها رذاذ ، راعية واجب
شمالية مو غريبة عليها تكون شقردية
لبى روحها والله
:
فاصل اجباري : عفوا حبايبي اللي تدخلون الموضوع لا تستغربون ردودنا
هذي انسانة عزيزة على قلبي ومابيننا الا هالمنتدى ، انقطعنا ورجعنا ، فـ عادي
لا تدققون ع الأسلوب الأدبي 
في ردودنا .
وفا نرجع نكمل ردودنا :
وش اسمه ياربي، نساني الفاصل
اي اقول بالنسبة للغربة فيا قلبي الغربة مهي بس غربة وطن
شوفينا في وطننا وبين اهالينا والله احيان الواحد يحس بغربة روح !
وبعدين والله لوانك متغربة في غابات الامازون مع الأسود والفهود
والتماسيح >>>> والله مدري الامازون فيها تماسيح
الشاهد انه ما هنا غربة ان شاء الله
بس انتي فكي ازارير الضيقة ووسعي صدرك ، وربي لو ع الضيقة اللي تجيني
ماشفتي وجهي اقصد كتابتي في ذا ....
وبالنسبة لأسلوبك في الكتابة ههههه إي لا والله واضح انك متمرمرة من الغربة جد !
وترى شوي شوي ترجع الذاكرة حتى انا اول مارجعت جلست فاهية 
وارجع لمواضيعي احاول تذكر اشلون كنت اكتب وأرد ...وحمدلله عدت ع خير هههه
انا بعد انقطعت سنة عن النت ، مرت سنة ماله على البال خاطر!
مو هالموقع فقط النت كله وربي حتى الجهاز صرفته من البيت !
وبصراحة الإيجابي في الانقطاع انك تكونين في حالة تفكر وتواصل مع روحك وربك أكثر،
الجانب الروحي او الشخصي حتى يكون اكثر تركيز وعمق .
وترجعين تقرأين الكتب والقراءة من الكتب سبحان الله لها طابع خاص وتأثير خاص.
لكن جد والله وفا ما اقدر احرجك بالزيارة الدائمة ولو اني اتمنى
لكن ياليت في كل زيارة تتركين لنا بعض نبضك ، بعض روحك ، بعض كلك !
والدعاء موصول لك بظهر الغيب ان شاء الله حبيبتي
في انتظارك !
: