السلام عليكم ورحمة الله وبركاته
بما اني زوجه ثانيه حبيت اشارككم في هالموضوع
موكل زوجه ثانيه تتزوج برغبتها يا خواتي علي الزوجه الاولي
يعني انا مثلا محجره يعني وقفولي عيال عمي اني ما خذ الا منهم ومنعو الخطاب عني وكلهم متزوجين
بالاخر رضخت غصبن عني عشان ما افرق العايله
وكل من تزوج علي ثانيه عندها سبب احنا مثلكم ودنا ندخل علي واحد ما عنده غيرنا نبدا حياتنا سوا ونبنيها
وهذي كانت احلامي حالي حال غيري
ومع رفضي لهالواقع بداخلي لكن احترامي لاهلي وحرصي علي ترابط العايله خلاني اتحمل كثير
والحمد لله زوجي راضي عني وزوجته عمري ما ضريتها رغم انها تعتبرني دخيله ومالي حق
الحياه يا ناس ماهي معادله رياضيه نحاول نكتشف حلها
لو كل رجل اذا اراد الزواج يعدل ويتقي الله
لو كل زوجه تقنع وتتقي الله باللي بتجيها وتعتبرها اختها وتعرف انهم سايرين بنفس المركب
لو كل زوجه ثانيه تحاول تكون برد وسلام علي جارتها
لو الكل يحاول يتنازل شوي كان الدنيا بخير
الموضوع كبير ومحتاج رضي بما قسم الله
مو مسالة مقصره الزوجه الاولي او انه ما يحبها اواواو 000000
معظم الحريم يرفظن زواج ارجالهن عشان الناس ما تنضر لهن علي انهن مقصرات او ان رجالهن ما يحبونهن
ثقافة الناس اول غير الحين مع انا ما حنا حولهن
وسائل الاعلام اثرها قوي في تغيير افكارنا اللي سادها العطب
اخيرا الدنيا مافيها مرتاح لا اللي زوجته وحده ولا اللي عنده ثنتين
ولا اللي عليها ضره ولا اللي لحالها
باختصار القناعه والرضي والصبر ورجا الاجر من الله وتقواه هي اهم شي بهالدنيا
وتقبلو مروري وعساني خفيفه عليكم