[الأترجه]

المشاركة الأصلية كتبت بواسطة دمعة رجاء لانآ يالغلا باقول لك التفااااااااااصيل اللي غابت عنك في البداية كلمت صديقتي أبغى اخذ رقمها ( الأخت ) عاد ماقصرت فديتها قالت لي انا باكلمها عنك ادري فيك مشغوله تعزمين الباقي ، قلت لها طيب خلاص << جات من الله المهم ثاني يوم دخلت ع المسن إلا هي داخله بعدي وتكلمني شخبارك ومن هالحكي ، قلت لها ها ان شاء الله بنشوفك بكره ( أمس ) قالت لا والله عندي شغله ضروريه ولازم اروح اقضيها ، انا هنا عصبت وقمت افكر وش اسوي المهم قمت اقول لها طيب اجليه ، ترى جمعتها بتكون بعد المغرب قالت بحاول ، وقمت اقول لها طيب روحي قضيها العصر بعدين تعالي المهم قالت ان شاء الله باشووف .. المهم عاد أمس العصر وانا اتجهز إلا رن جوالي اشوف الاسم إلا هي قلت أكيد راح تعتذر لي انها ماراح تقدر تجي المهم رديت عليها إلا تقول لي باجي طرت من الونااااااااااااااااااااااااااااااااااااااسه وقلت لها حياااك الله << قالتها من قلب وبس الله يسلمك جات متأخره شويه كود الباقي خلصوا من العصير وقدرت اميز كاسها وبعدين خذته ورحت المطبخ لامي وخبته بعد العشا قلت باخذ بعد صحنها اللي كلت فيه المهم وانا اشوفها يوم خلصت حطته في مكان مميز وقدرت اميز وارتحت إلا تجي صديقتي وتحط صحنها فوق بس المهم عرفت اي صحن ويوم يشيلون الصحون قلت لامي ترى هذا صحنها ويوم اقهويها خذت فنجالها وحطيته في مكان بعيد عن الفناجيل الثانيه وانا اسولف إلا ما اشوف إلا الخدامه جات وخلطتهم مع بعض انقهرت بس تذكرت ان عندي اشيا ثانيه المهم يوم راحوا رحت المطبخ اتأكد من كل شي إلا تقول لي امي ترى الصحون خذتها الخدامه تغسلهم وامي ما انتبهت لها بس الحمدلله بقى اثر واحد والحمدلله للحين محتفظه فيه بس ابي اتأكد من الطريقه بالضبط انا سمعت انه ما اشربه بس اغتسل فيه طيب هو فيه بقايا لزوجه من العصير ! وس اسوي فيه ؟

أها الحين فهمت خلاص عاذرينك ، حسب علمي والله أعلم تغسلين الأثر بماء وتسبحين فيه ،هذا حدود علمي وأكيد البنات بيساعدونك ، بس الفنجال الله يصلحك كنتي انتبهي عليه ، الله يحفظ الكل من العين