"ان كنت لا تدري فتلك مصيبة وان كنت تدري فالمصيبة اعظم"
يعني لو بعرف انه صديقي معي بوجه كذاب ومع غيري بوجه تاني وملون اكيد ما راح اعود احكي معه طاول
بس لحظة.....في نقطة مهمة قبل ما اقرر هاد القرار
بالاول لازم اعرف اذا تصرفاته بقصد انه ما بحبني والا بجهل!
يعني بتذكر وانا بالثانوية اختلفت انا وصديق الي وهاد الصديق كان يجي عندي كتير واروح عنده كتير ونحكي لبعض اسرار مع انه من الناس الدبقة يعني اذا بتعطيها وجه بتدبق!
ولكن انا تحملته قلت ممكن يتغير لانه ما حدا فينا كامل
وبعد ما اختلفنا صرت اسمع انه عم بحكي اسراري الشخصية لمين ما كان!!!!!
شو المفروض مني اعمل هون بهاد الموقف؟!
كل ما كنت اسمع من حدا شي اقول الصديق ما بفشي اسرار ان كانت صحيحة او لا
وهيك وصله الكلام وخفف شوي بس على فكرة مع انه هو كان يفشي هاي الاسرار انا ابدا ما تصرفت متله
لانه تربيتي واخلاقي ما بتسمحلي
وفي احد المواقف اللي بتشهد على هاد الشي واللي خلته يغير رايه السلبي فيي
كنت بالاستراحة وفتت على الصف ولقيت ولاد صفي قاعدين ومعهن عقد لصديقي هاد وكانو يقولو هاد لكذا ولقيناه وبدنا نوخدو وبجيتي قبالهن سالوني بتعرف لمين هاد العقد قلتلهن لصاحبي كذا ليش بدكو توخدوه؟
قالولي ما انت واياه مختلفين ليش هالقد مهتم...قمت قلتلهن صحيح انا واياه مختلفين لانه بفشي اسراري ولكن لما في حق بوقف معه حتى لو مع عدوي!
وهون صابتهن الشردة يعني شردو وما حكو ولا كلمة زيادة
لهيك حتى لو الواحد فارق صديق بعد مشكلة لازم يبقى في ضمير حي