[@معاند الجرح@]

اخوتي الاعزاء
السلام عليكم ورحمة الله وبركاته
اقدم لكم هذه القصيده الكيبورديه ارجو ان تنال على اعجابكم

انا ليا مني تنــحـــنـــحـــت قـــــدام = اصبحت قائــد والقصـــــايد جنودي
صيدي درر من دانة ابحور الألهام = انقــش بشعري وسط صم الحيودي
شاعر وعايش نشأتي بين حــكــام = حــكــام شرع الله ال السعودي
وانا احمد الله ملتي دين الإســلام = لاني بنصراني ولا ني يهـــودي
شفت البروق اتنوض يم العرب شام = وزلزل كياني صوت ذيك الرعودي
لاكن سحاب الصيف لو يمطر اعوام = لايــنــفع الديره ولا منه فودي
اخذ علومي لا تسمع في الإعلام = واتصدق اللي جاب ضييم الكبودي
يصورون الكذب في صورة افلام= لاكن فلاش الفلم صحى الرقودي
باكر تجيــــني تشتكي جور الأقزام=وتـــطلب قراحي بعد شح العدودي
لاكن نصيحه وانصتي زين ياهيام = ياهيــام شاعر باح كل السدودي
دنياك هاذي واسمها مرسى الأوهام = سنبك نجاتك في صلاه وسجودي
مدامت اتعد التنازل با الأيام = يوم الصفر معروف يوم اللحودي
لابد نقضيها صلاواة واصيام = ونسترحم المعبود عفوه يجودي
سبحانه اللي كون الكون بانظـــام = الكل يجــري في مدار وحدودي
يالله انا طالبك تحسن لي اختام = والروح تقبضها وانا في سجودي

تحياتي لكم جميعا