[تكفين يادنيا]

ألا ياليل قلهـا لي علام الكون فيني ضاق..
علامه مارحم دمعي وأنا واقف على بابه..

تـفـيـق حظوظ خلق الله وأنا حظي مـا بعد فاق..
تضيق همومي بصدري ولا أدري شالذي عابه..

سهرت بليلي المظلم أفسر لهفة المشتاق..
طلبت الهم يخاصمني لقيت إني من أحبابه..

لقيت أن الزمن ظالم مثل موج البحر غراق..
رماني في متاهاته وسكّر دوني أبوابه..

كفايه يا زمان التيه كفاية لعبة الأشواق..
كفايه ليه ماترحم شبعنا هموم طلابه..

شبعنا من الزمن ضيقه وصرنا للفرح عشاق..
يذوقنا مراره دوم علينا يرمي أسبابه..

عزيز النفس بالدنيا يعيش بهم ماينطاق..
وذليل النفس يارب خطاه الهم ولا صابه..

ولكن لو يطول الوقت وينثر همه الحرّاق..
يجي يوم من الأيام وكلن يأخذ حسابه..

نضيق بهالزمن ضيقه ولا نذرف دموع شهاق..
نضيق ونصبر ونكسر زمان طالت أنيابه..

أنا أدري مانهاب الموت ولاحتى نهاب فراق..
نهاب الخالق الواحد ونرضى بكل ماجابه..

أعيش اصبر على البلوى ولو هالكون فيني ضاق..
أعيش الذيب في عمري ولا أرضى فوقي ذيابه..


.. مما راق لي ..

... تكفــ يادنيـا ــين...