[منتهى الدروب]

السلام عليكم..
بنت سوزان.. اعتذر على المداخلة بموضوعك..

عندي كلام ودي اقوله لك غلاي قطرااات..ش
يعلم الله اني تأثرت جدا بالي قريته..وانقهرت عليك كثيير..
بس اسمعي مني هالكلمتين:
-اعلمي ان الله اذا احب عبد ابتلاه واصبري وسيرزقك ربي الفرج..وقوي علاقتك بربي واشكيله همك وغمك وهو اللي قادر يكشف عنك ويسخر لك امورك..اكثري من الدعاء والاستغفار وخليه على لسانك طوال الوقت..
-انتي ارجعي لزوجك حتى لوسمعتي كلام ما يسرك..اصلا الكلام ما ينتهي رجعتي او تطلقتي الكلام حاصل حاصل بس انتي لا تسمعين تجاهلي كل الي تسمعينه..ما احد يهمه مصلحتك واذا حسيتي انك بتفكرين بالطلاق تذكري عيالك وش بيصير لهم من دونك..
-فكري بعقلك زين وحاولي ترتبي امورك واضغطي على نفسك وضحي الين تضبط امورك ..الحياة ما يبغالها الى تعب وصبر وربك يعين..
- واما بالنسبة الامك..اولا الله يسعدك امسحي كل اللي قلتيه هنا عنها مهما صار هي امك..وادري قلتيه تبين احد يساعدك واعتقد كفاية فضفضتي والي تفاعلوا معك وفوا والبقيه بس بيقرون بدون ما يفيدوك فاحسن امسحي كلي اللي كتبتيه..
واتذكري انها امك ربتك وتعبت عليك وحتى لو كانت قاسية لها حق عليك وبالعكس اذا بريتي فيها اجرك كبير باذن الله..وانتي عارفه ظروفها واتوقع انها تمر بحالة نفسية سيئه وهذا واضح من تعاملها معكم ..بس حاولي ترضينها قد ما تقدري..وكلها ايام وترجعي لزوجك فتحملي..حاولي تاخذينها باللين وحسسيها انها الكل في الكل واعطيها اهمية اكبر يعني حسسيها انها مهما صلحت فيك ان مكانتها فوق ..وبتشوفين كيف تتغير بإذن الله واحمدي ربك ان فيه واحد من اخوانك طيب ويسمع لك..بس لا تستغلينه وتوقفين انتي وياه بوجه امك لان هذا يغيضها وترجع عليك تأذيك..وكمان حبيت اقول لك مايجوز لك تدعين عليها مهما صار قطرااات تخيلي عالك يدعون عليك.!!
-حاولي تبحثين عن مستشار اسري وفيه كثير معروفين اما عن طريق طلب استشارة في مواقع متخصصة ..او ارقامهم من خلال برامج ..لكي يسمعوا منك اكثر ويعطونك حلول اشمل وافضل..

وأسأل الله لك العيشه الكريمة..والحياة الهانئه السعيدة..وان يجعل جميع اموركم للافضل انه القادر على ذلك وحده سبحانه..