الشاعر زبن بن عمـــــير
علموهــــــــــا
علموا هاك الهنوف اللي تزايد في بهاها
صدتي عنها بقلبي مثل طعنات القرايب
علموها ياجماعه ما ملك قلبي سواها
اشهد ان القلب ذايب اشهد ان القلب ذايب
من غلاها والله اني ناسي حتى خطاها
وفي غلاها باتمادى لين توضع لي نصايب
والجروح اللي غزتني منها ماكثر حلاها
آه ياحلو الجروح اللي تذكرك الحبايب
كل جرح تقبله نفسي ولكن منتهاها
الكرامه لا وصلت لها تطاولت السحايب
والرجل لو كان ياكل لقمته قام ورماها
لا خطرله ما يغثه كت زاده بالترايب
وعلموها لو يطول الوقت او يقصر تراها
ساكنه وسط العيون ونازله بين الحدايب
وعلموها ماصنعها كود زبن اللي بداها
لين خلدها قصيدة قصةٍ لامجاد غايب
يوم كانت وسط كفي درةٍ قلبي حماها
واتعرض من غلاها للمشاكل والنشايب
ويوم هي زادت خطاها عودت للي رباها
شايبٍ واظن من مهده وهو شايب وعايب
والعهود اللي عليها بحل ما دور جزاها
والعهود اللي علي اوفيت فيها ياعجايب
ولا تظن اني بغلاها منتظر رجعة مساها
لا ورب البيت مابغى غير فرقاها وهايب
هيه لاتطري عليهااني على موعد رجاها
حبها في وسط قلبي لكن الرجعه عقايب
ماتمنيت بحياتي الا ان ربي قد خذاها
قبل لا تخطي واعيش لها مثل الوهايب
علموها لا تزايد في بهاها يا عساها
للعمى لا والله الا لجنته يااغلى الحبايب