بسم الله الرحمن الرحيم
أهلين حبيبة ألبي
كيفك؟؟
وش أخبارك بعدما كسرتي اشرطتك.. بعدما تخلصتي من ذنوب أثقلت ظهرك
أسأل الله أن يديم ثباتك وإيمانك..تصدقين تو غرفتك ماتنور
غاليتي
ممكن تقولين أنا ممكن أترك الأغاني ..لكن لو تركتها اللي حولي كلهم يسمعون..يعني أكيد بيأثرون علي وارجع اسمعها ثاني!!!
هنا أقول لك: اسمحي لي أقولك.. إنك أنتي من سمح للآخرين بالسيطرة على حياتك
في هذي الحالة أشبهك بواحد راكب سيارته في المقعد الخلفي.. ومخلي الناس تسوق له سيارته..
مايدري وين بيروح.. وليه.؟؟
ليه ماتستلمين مقود سيارتك أنتي.. وتسيرين فيها لتحقيق أهدافك أنتي.. مو أهداف الآخرين!!
* أنتي في الحياة واحد من اثنين:
- أما مؤثرة على غيرك
- أو متأثرة من غيرك
مستحيل تكونين" لا لك ولا عليك" .. لأن الواقع يشهد بكذا..
يعني لما يسمعون صديقاتي الأغاني.. أو قريباتي يسمعونها في اجتماعاتهم
ليه يجبروني على إني اصير مثلهم؟ ليه ما يكون العكس!!!
كيف؟
يعني أعلن رغبتي صرااااااحة.. و الصراحة راحة..
قولي بالعربي: ما أسمع أغاني .. لأنها حرام
لو سمحتوا ماتشغلون عندي أشرطة أغاني
لو سمحتوا ما ترقصون عندي
إذا رفضوا أنتي قومي من عندهم
خليك صريحة بمبادئك.. خلي عندك اعتزاز بقيمك
صدقيني.. راح يستحون على وجيههم ويلبون رغبتك.. وأنتي عزيزة مكرمة..راح تكبرين بعيونهم ..ماسمعتي حبيبي وحبيبك نبينا محمد صلى الله عليه وسلم لما قال:
"من أسخط الناس برضى الله رضي الله عليه وأرضى عنه الناس"
لكن لما يكون العكس.. وتقعدين معهم على مضض وتتضاهرين بالرضى راح يسخط عليك ربك ويسخطون عليك الناس ..أكيد سمعتي قول حبيبي وحبيبك محمد صلى الله عليه وسلم: " من أرضى الناس بسخط الله سخط الله عليه وأسخط عليه الناس"
ليه هم – صيدقاتك أو قريباتك- لما يكونون على الباطل يجاهرون فيه ويجبرون غيرهم على اتباعه؟وأنا اللي معي الحق اخجل إني أعلنه .. واجلس معهم وأنا كارهة؟
ترى القضية مافيها قطع روس..كلمة أو كلمتين بقلبك قوليهم..
ليه ما نكون أقوياء بالحق اللي معنا؟
يمكن راح تعانين مرة أو مرتين ..
لكن صدقيني أنهم بالأخير راح يحترمون رغبتك..
ويمكن بعد يتركون الأغاني مثلك : )
بوضع زي كذا.. رائع أنك تتمثلين أبيات رابعة العدوية.. رحمها الله:
فليتك تحلو والحياة مريرة.. وليتك ترضى والأنام غضاب
وليت الذي بينك وبينك عامرٌ.. وبيني وبين العالمين خراب
إذا صحّ منك الود فالكل هينٌ..وكل الذي فوق التراب ترااااب
من اطلاعاتي