منتديات موقع بشارة خير - يــــــمه دخيلك أبي لي حد يحضن جراحي

يا يــــمه جيت ابسأل ليه انا حظي مجافيني

اشوف الناس ملتمه وانا مابين حسراتي

اشوف افراح من حولي اسلم ما تحييني!!

اناديها وانا خجلانه والزم في تحياتي

احاكيها يافرحه وين ؟ حلفت انك تزوريني

اشد بحكيي ثم ارخي اداعبها بهمساتي

ولابه فايده يـــمه برغبتها تمشيني

تواعد ثم تخلفني او انها تنسى اوقاتي!!

انا اذكر دعوتك لله طلبك انه انه يخليني

طلبك انه بيرزقني ويوفقني في بداياتي

تعلمت الدعاء منك وصارت عادة فيني

اذا نامت عيون الخلق اوجه لربي دعواتي

رجيت بصوت كله خوف متأمل بيعطيني

هقيت ان دنيتي تصدق بدعواتي وتوفيني

صبرت بحروة امالي وحروة كل هقواتي

وجيت للخلق ذا كله ولكن ازرت تجيني

وقلت اكيد هي خيره حمدت الله لحالاتي

كتمت الآآآآآهـ لاتطلع ولاودي تشوفيني

ما ودي يتعبك نوحي ولا تشقيك شهقاتي

تجرعت الألم يـــمه شربته بأول سنيني

وجيتك ما بغيت انك تحسي مر لوعاتي

اضحك هم دمعاتي وطمن خوف يحويني

واذا صديت عن وجهك اسلم امري لعيني

تجيني مثل جلاد يروق ان شاف دمعاتي!!

اجملها بذكر الله واقول الله بيجزيني

اهدي نفسي اطلبها تجملها ببسماتي

ولكن لو تجي للجد تري كذبي مأذيني

ما عاد استحمل العيشه بتزييفي لفرحاتي

انا هلكانه يا يـــمه انا تعبانه ضميني

انا كل ليله اتوفى وارد احيا لصرعاتي

ذبحني البرد يا يـــمه بغيتك لو تدفيني

طلبتك انزعي بردآ سكن واستوطن بذاتي

ضلوعي تزاحمت يـــمه بصدرآ ما يكفيني

من الضيقه من همومي من الامي واهاتي

وبالأخر بسألك يـــمه حقيقه ليه ولدتيني؟؟!!

بنفس اللحظه يا يــــــمه ولدتي ليه وناتي؟؟!!