منتديات موقع بشارة خير - ..أسوار الحديقه..

رحت صوب الشارع اللي قبله اسوار الحديقـه

عنـده اول ذكريـات الحـب واخـر ذكرياتـي

رحت مدري ويش عندي رحت؟؟ لكن الحقيقـه

انه اغلى شـارعٍ وقّفـت جنبـه فـي حياتـي

عنده اجمل ما رأت عيني من انـواع الخليقـه

وعنده اصدق كلمةٍ من قلبي تلامـس شفاتـي

وعنده اغلى همسةٍ مرت على سمعـي رقيقـه

وعنده احلامي وعنده عمـري وكـل امنياتـي

وعنده اقوى طرح واقسى جرح وجروحي عميقه

وعاذلي لا شاف دمعي جعله يسـوي سواتـي

البكـا مذمـوم لكـن القهـر محـدٍ يطيـقـه

سامحونـي مـا قـدرت ارد همّـال عباراتـي

ذا محلـه يـوم علمنـي بالاسـرار العتيـقـه

وذا محلي يوم اسولف له وانا في ايدي عصاتي

يوم علمني بقصـة ذبحتـي باسهـل طريقـه

واختفى صوته وصدري حجرش وجرّح لهاتـي

ما دريت ان الوفا لا بـل ريقـه جـف ريقـه

موقفٍ ما مـر فـي بالـي ولا تفكيـر ذاتـي

احسب ان الحب يثبت والوصـل محـدٍ يعيقـه

واثرني مثل الغريق اللي يبـي طـوق النجاتـي

راحـت الدنيـا ودارت والامـل وقـف بريقـه

وانتهى التفكير كله ويش راح و ويـش ياتـي

لين جيت الشارع المذكـور واسـوار الحديقـه

وقلت اجل بقرب من الطوفه وبكتب ذكرياتـي !!

..مبارك آل خليفه..