منتديات موقع بشارة خير

المهم راها ساهلة ولكن انتم غادة تبان ليكم واعرة حيت اول مرة ولكن الى تعلمتو ليها غادة تجيكم ساهلة
نبداو بالمقادير وسمحولي نسيت ما صورت(( الرز)) هو الي عليه العمدة هههه
3كؤووس رز من النوع الجيد + 2كيلو لحم غنمي وكل واحد على جهدو + بصلة كبيرة مشلظة +5 الماطيشات مطحونين في مولينيكس +5سنات ثوم + العطرية =انا عندي بهارات مشكلة ولكن الى مكانوش انا غادة نقول ليكم اش تديرو تاخدو حبة 5حبات هيل +ورقة سيدنا موسى +3قرنفلات +شوية القرفة راه هادو هما البهرات المشكلة + زنجبيل +ملح + ابزار +مكعب ماجي +الخضار اي نوع عندكم انا ختاريت البادنجان +البطاطا +والفلفلة الخضرا + وطبعا الزيت
http://up4mb.com/up/get-7-2008-mo0tlef9.jpg
الطريقة = ناخدو الكوكوت ديرو فيها البصلة +الثوم +شوية الزيت +اللحم ونخليوه يتقلا مزيان في هاد الساعة نبداو نزيدو العطرية ملح+ابزار +سكنجبير +حبة هيل ةالقرنفل ووراق موسى وعود صغير قرفة + ماطيشة الي مطحونة ونخلطو مزيان ومنين يتقلا اللحم كيف ما تتشوفو في الصور
http://up4mb.com/up/get-7-2008-l9x8ndfx.jpg

تنسقيو الماء الجهد الكافي الي غادي يطيب اللحم والروز ديرو الماء مرة وحدة مثلا انا درت 3 لتر ماء سخون ونسدو الكوكوت
نجيو للمرحلة الثانيا نجيبو الخضرا الي ختارينا ونقطعوها دواور ونبداو نقليو ها كاملة من بعد مانقليوها نحتافظو بالزويتة ديالها باش منين يطيب اللحم نصفيوه من الكوكوت ونقليوه حتى هو
كيف ما شقتو في الصورة انا طيبتو من قبل وصفيتو وقليتو من بعد الخضار حتى تحمر هاهوكيف ماتتشوفو الخضرا واللحم مقليين
http://up4mb.com/up/get-7-2008-3lcgixz5.jpg
من بعد نجيبو الروز الي من قبل فزكناه في الماء لمدة ربع ساعة نرميه في المرقة الي طاب فيها اللحم ونخليوه يطيب وكيف ما قلت ليكم في الاول خاص يكون البلول الكافي الي يطيب الروز المهم غادي تسدي على الروز وقبل مايوهادا الرز بعد ماستفتو فوق اللحم والخضرا طيب بي عشرة الدقايق ويكون ما زال فيه البلول غير شوية غادة تجي للمرحلة الاخيرة وهي تجيبي كميلة او قدر اخر ترميفيه شوية ديال الزبدة وتستفي في الاول اللحم وتستفي فوق اللحم الخضرا ويكون هاداك الشيء مرتب ومن بعد الروز الي قلت يكون مازال ما طاب مزيان وفيه شوية البلول ميف ما تتشوفو في الصورة
http://up4mb.com/up/get-7-2008-k5sxlywj.jpg
وهادا الرز بعد ماستفتو فوق اللحم والخضرا
http://up4mb.com/up/get-7-2008-9ahw8irr.jpg
من بعد تحطوهم فوق البوطة لمدة 10دقايق على عافيا مهيييلة على الاخر وتطفيو البوطة
وقبل التقديم تتجيبو طبسيل كبير وتحطوع على القدر وتقلبو تيجي الروز من تحت والخظار واللحم من فوق وهاهي وبصحتكم كيف ما تتشوفو في الصورة وحق الله راه تيجي شهي والمداق ما نقولش ليكم اوا مرحبا
http://up4mb.com/up/get-7-2008-mjo8ilrk.jpg

منقول