إن صار زود المال بيدين الانذال =حنّا من المعروف تندا يدينا
وان كانهم شرهوا على طيب الافعال =حنّا وردنا جمامها وارتوينا
وان فكّروا للجود يمشون رحّال =حنّا قبل يمشون يّمه خطينا
يا ما لبسنا للشرف كل سربال=وعلى البسيطة للفضيلة مشينا
في دوحة العربا لنا مجد وظلال =وحنّا على در المكارم غذينا
لو نجمع اللي فات منا من المال =إن كان شيدنا القصور وبنينا
نعطي ولا نتبع عطانا بالاقوال = ونبذل ونسكت كننا ما عطينا
وان باعوا الشيمة بدينار وريال =حنا دخلنا سوقها واشترينا
نطلع لها لو هي على روس الاقذال =لو هو عسير ٍ دربها ما انثنينا
بافعالنا نرسم دروب ٍ للاجيال =إلي نساها غيرنا ما نسينا
أسود سادات ٍ تسجل للاشبال = فضايل ٍ شمنا لها واهتدينا
بيض ٍ نسجلهن جديدات وسمال =حفايظ ٍ لاحفادنا اللاحقينا
نصبر على الشّدات لو شيلنا مال= لو سال دم دفوفنا ما شكينا
نخاف يلقى سدنا كل ختّال =ويبني هزيلات المعاني علينا
الليل يا خالد على والدك طال =وهنّيت ناس ٍ بالكرا نايمينا
يا عز راسي شفت ما خبث البال =شي ٍ يهوّل شيّب الجاهلينا
شي ٍ من اسبابه يشيب بالاطفال =فطّر خشوم مهجرعات الحنينا
أدير قالات ٍ عريضات وطوال=قالات خلنّ المخفىّ يبينا
منهن رزين العقل بالوقت يهتال =بوقت ٍ عبوس ٍ فطّن الغافلينا
وقت ٍ من اسبابه شكى كل ريبال =نصبر ونسكت كننا غايبينا
الناس بالأيام راحل ونّزال =وتفجعهم الدنيا وهم دالهينا
وحياة رب ٍ نزل آيات الانفال =عالم خفايا نية الحاقدينا
ما اترك طريق العدل في كل الاحوال =لو يرحل المريخ للفرقدينا

المشاركة الأصلية كتبت بواسطة خلووووود الخالد سلمت يمينك ورحم الله الشاعر احمد الاحمد السديري أبيات تزخر بالحكمة والمرجلة والمروءة والافتخار بمحاسن الأخلاق وشيم الرجال ..!! التي كانت ظاهرة وجلية في ذلك الجيل ونسأل الله ان يكون هذا الجيل خير خلف لخير سلف وأن يتمسكوا بقيم اجدادهم وعاداتهم النبيلة ولايركزوا على العادات الذميمة كالعنصرية البغيضة والتي يكون فيها اهانة للأخرين ، وبعض عادات الجاهلية الكثيرة . فهذه الأخلاق الكريمة والنبيلة من كرم ومروءة وشهامة ورجووووووووولة هي الإرث العظيم والمكسب الحقيقي الذي يجب ان يتنافسوا في التمسك به والاحتذاء به . شكرا لك وفاء ودمتي متألقة متوهجة ومختلفة حد التميز والابهار ..!

المشاركة الأصلية كتبت بواسطة نورا الحربي وفااااااا رائع ما نقلتي دمتي بخير أختك...نورا الحربي

المشاركة الأصلية كتبت بواسطة طال السفر الله يبعد الانذال ويقطع رمسهم عنا . . كنوز المشاعر دمتي رائعه

المشاركة الأصلية كتبت بواسطة فراشة زرقاء . . . شكـــــــــــــــــــــرا على النقل الرائع